< 返回
  • 【馬拉樓又點睇】馬六甲樓100萬港元有找 新山檳城收成期長達十年
  •   10,339 views │ 2017年12月26日
    留言()

 

「一一年時,我喺吉隆坡Soho 區買咗個四百一十一呎服務式單位,售五十五萬馬幣,大約一百五十萬港元。」港人李太買入的樓盤One Ceylon,位於武吉免登區Bukit Bintang,有吉隆坡商城金三角之稱,著名景點有亞羅街夜市大牌檔。馬幣當時雖屬較高位,但李太仍認為馬來西亞樓市比香港穩定,樓價也比新加坡便宜。「當時我四十九歲,我老公就六十一歲,按揭情況同香港相似,因年紀大而按唔到二十年。」一般外國人在當地銀行最高可做到五至六成按揭,李太最終以十八年按揭年期成為業主。項目樓花期三年,她指收樓時間及品質跟原定沒大誤差,近年該區發展愈趨旺盛,算是不愁租客。「所屬地區類似香港中環區,頭三年簽咗俾發展商代出租,回報率都有六厘。」John 補充:「樓花會按建築進度付款,建好一成就俾一成錢,以保障業主。」港人到外地買樓猶如隔山買牛,John 提醒要留意所屬發展商之來頭。「對比香港私樓主要由五大老牌發展商興建,馬來西亞有過千個大大小小的發展商,所以買樓前一定要了解清楚,用佢以往成品質素作參考。」

新區收成期較長
於吉隆坡已有兩個單位的知名武術指導馬玉成,下一個目標是新山地區。「新山就好似深圳同香港咁,同新加坡只相隔咗個海。」他認為該區有升值潛力。但John 提醒投資者:「新山係一個全新發展嘅區域,特別之處係喺樂高樂園Legoland 附近;但現時仍處於興建階段,可能要十年或以上時間發展先會變得成熟。」

「外國人能以五至六十萬馬幣,即唔超過一百萬港元就可以喺馬六甲置業,呢個價錢對新置業者嚟講係極為吸引。」於馬來半島西部的馬六甲,近年也成為了旅遊旺點,樓市也是於近兩年才變得活躍。接駁吉隆坡至新加坡的隆新高鐵,將於二○二六年底通車,馬六甲為其中一站;可見其與新山一樣擁有美好前景,但發展才剛起步,收成時間會較長,投資者需具有一定耐性。

檳城租務市場較慢
檳城環境優美,有八十年代的香港味道;因此吸引不少電影於當地取景,當中以大台劇集《單戀雙城》最為人熟悉。而藝人姜皓文(黑仔)更於今年十月斥資八位數港元,向馬來西亞著名發展商BSG Group,直接購入一層五千呎大宅給太太當作生日禮物,並當「歎世界」之用。身為BSG Group 於香港唯一的合作夥伴,John 同意檳城確是個度假勝地,但樓價絕非便宜:「當地有好多文化遺產,或係有好多地於山脈中無法動用;所以該區嘅可用面積可能只得三成。」而外國人到各州份的置業門檻各有不同,當中於檳城購買地屋的門檻屬最高,今年三月行政機構更會議決其未來門檻,將會由現時二百萬馬幣上調至三百萬馬幣(三百九十二至五百七十萬港元),以保障當地人。John 指:「過去十年嘅樓價統計,唔係吉隆坡最貴就係檳城第一,嗰度嘅樓係有升值潛力,但要留意本地人好多時於檳城都有自己地方住,所以租務市場會較慢。」

相關連結:
【馬拉樓又點睇】馬來西亞「九龍塘」 最平195萬 買一單位送三車位
http://bit.ly/2D9fyt7
【馬拉樓又點睇】領事館簽約 買樓一家三代可住十年
http://bit.ly/2B7FFUN
【馬拉樓又點睇】《風雲2》武指馬玉成買兩層 「百多萬樓價有1800呎」
http://bit.ly/2BuVNgl
熱門新聞
  • 林保怡篤完鮮肉男友激凸 淺水灣冧爆拍拖 52,312 views
  • 【獨家】千萬酬勞拍劇照推 胡杏兒:我一定要追多個 50,090 views
  • 陳志雲爆大鑊 佘詩曼拍劇拍到有陰影 38,380 views
  • 【索媽旅行有福利】黃伊汶露半球同囝囝索吻 蓋過梁浸浸風頭 33,351 views
  • 【封面●老中青炒虛擬幣●遍地開花】直擊深水埗腦場變「掘礦機」場 開炒幣講座兩小時賺40萬 32,954 views
  • 【來港五年仲未改到】阿仔扭眼瞓 郭晶晶出「踎」功絕技 30,282 views