< 返回
  • 【新加坡樓●首期不是夢】港男買樓不回港 「東邪」「西毒」區分地段樓價
  •   15,665 views │ 2017年12月27日
    留言()

 

在海外樓熱潮下,新加坡是港人熱門投資地點之一。該國治安及經濟環境與香港類近,但樓價相對本港便宜,加上現時每一坡元能兌5.8港元,相對年半前6.3港元為低,而且按揭息口低,因此吸引一班金融才俊過江掃貨,位位預算高達過千萬!

今年三十歲的梁頌煒(Rocky),澳洲畢業後即前往新加坡定居,「以前放假返香港,都覺得好壓迫同生活步伐急促,試過嚟新加坡,就決定留喺度。」義無反顧的他,以三千坡元(一萬七千港元)租住一個八百呎單位,但很快就能躋身業主之列。事關他於兩年前取得PR(永久居民)身份後,以二百一十萬坡元(一千二百萬港元),於Upper Bukit Timah區認購的千呎複式頂層單位,並已經收樓。

公積金變首期
Rocky在新加坡做牙醫,選擇當地置業後,更加不會考慮回港。「我睇樓都睇咗足足一年,鍾意呢區夠靜,而且係低密度住宅。」他笑稱是次置業如傾盡畢生積蓄,首期約花了五十八萬坡元(三百三十萬港元)。此筆金額對不少港人而言是個遙不可及的天文數字,但新加坡年輕人依然有一絲「上車」機會;全因首期、按揭供款,均能於他們的中央公積金(CPF)戶口提取支付。Rocky最後以三十年年期、月供五千坡元(二萬九千港元)一圓業主夢。

「收樓質素正正常常,我會俾六至七分。」Rocky指樓花期一般為二至四年。「地板同牆角位都仲要執,但發展商趕住如期交樓,所以點都俾住我哋睇先。」他指單位屬當地中端物業,發展商或需一個月時間進行維修執漏。雖然不是用作投資,但他對新加坡未來數年的樓價有信心,認為會有上升幅度。「當然新加坡嘅樓價,唔會似某啲新興國家咁,有機會突然於短時間內翻倍,但相對卻比較安全。」中原地產營業董事(中國及海外物業)許大衛指,雖然獅城政府調控樓市好幾年、樓價累計於過去三年跌了一成左右,但今年的數據可見,當地樓價已全面反彈。

五區辨清獅城特點
早在七五年從香港移居新加坡的著名武術指導馬玉成於當地已有三層樓,早年先買一個組屋單位自住,其後斥資四十多萬坡元(二百三十萬港元)在碧山(Bishan)購入一個一千三百五十呎三房單位,現市值升一倍。「我購入嘅單位,一向由自己策劃裝修,就算一盞燈都係由我挑選。新買嘅單位現正裝修,舊有嘅會以月租三千坡元(一萬七千元港元)出租。」他計劃加碼入市,有意在金融區以東的芽籠(Geylang)物色單位作長線投資。

從事新加坡物業發展及買賣、師房產有限公司總裁孫魏克(Kerr)指,投資者主要以五區來辨別新加坡的脈絡:「佢哋會用東邪、西毒、南帝、北丐、中神通嚟區分地點。東面為紅燈區及美食區,但其實東海岸係好受歡迎嘅地方,都可以話係當地第三貴地區。至於西面,多重工業區,南面係市中心,為金融區,景觀最好。北面近馬來西亞,樓價最平,中部靚區多豪宅及別墅。」他指港人多選擇售價只是中環及灣仔樓價一半的中南區。

撰文:黃綺敏
攝錄:梁正平 廖健昌

相關連結:
【新加坡樓●風險】新界樓價買最核心地段 海外買家俾多18%稅
http://bit.ly/2C9oiTa
熱門新聞
  • 化身YouTuber? 謝文欣拍片唱爆黃凱芹 72,595 views
  • 【啜爆陳茵媺】老婆一拖三返加 陳豪難離難捨機場抱緊些 (足本版) 71,978 views
  • 【煉成絕世好老公】陳豪為仔女月花10 萬租南灣 陳茵媺:咁都比較吃力! (足本版) 44,552 views
  • 【最佳女友自己埋單】李佳芯拍拖買金飾 準備俾錢男友陳炳銓即閃(足本版) 35,434 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 33,457 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 27,516 views