< 返回
  • 【中環人語●陳豪欠債】過大海輸四千萬 債主WeChat通緝追數
  •   57,834 views │ 2017年12月28日
    留言()

 

搏一搏,單車都變摩托!不過睇吓賭王副身家,就知道幾多人過完大海,摩托變番單車之餘仲輸埋!最近有賭仔被指輸凸走數,仲開晒名喺WeChat「通緝」,唔單止佢身份證、地址,連結婚相都貼晒出嚟,實行起底追數,連老婆都拖埋落水。走數賭仔叫陳豪(唔係沖咖啡嗰個),英文名Bunmi Somkhit,唔知咩國籍人士。呢個陳豪老婆叫劉一霏,係二○一三年溫哥華落選華裔小姐,一五年開咗間中源資本有限公司,公司地址喺中環廣場四十三樓。

據WeChat講,呢個陳豪今年七月曾贏二千八百萬,但後來倒輸四千六百萬之後玩失蹤。陳豪原本租住山頂盧吉道34號單位,業主係香港老牌地產商協成行方潤華家族,上年五月盧吉道34號俾三個賊人爆竊,工人聽到聲大叫嚇走佢哋,只係唔見咗一隻價值廿五萬名錶,嗰陣有消息指做保險嘅女戶主姓劉,同媽媽、老公和兒子一齊住。小宗上協成行個網站望一望,見到個單位依家招緊租,三千呎四套房連天台,月租十六萬元,睇嚟前租客已搬走咗。債主喺實體地址搵唔到人,惟有用網上社交媒體尋人囉!

撰文:宗菁華

相關連結:
【中環人語●小予恩】誤傳兒子曾慶衍為主診醫生 曾蔭權連環運滯
http://bit.ly/2Djs49B

【中環人語●高科技】直擊內地無人便利店 全程QR code唔使俾錢
http://bit.ly/2DYlab8
熱門新聞
  • 化身YouTuber? 謝文欣拍片唱爆黃凱芹 72,584 views
  • 【啜爆陳茵媺】老婆一拖三返加 陳豪難離難捨機場抱緊些 (足本版) 71,956 views
  • 【煉成絕世好老公】陳豪為仔女月花10 萬租南灣 陳茵媺:咁都比較吃力! (足本版) 44,514 views
  • 【最佳女友自己埋單】李佳芯拍拖買金飾 準備俾錢男友陳炳銓即閃(足本版) 35,431 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 33,261 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 27,388 views