< 返回
  • 【Startup●靠「極邪惡」吸like】嫌幫朋友代購麻煩 港大生製代購app 賣廿包鹹蛋薯片即賺機票
  •   9,868 views │ 2018年01月08日
    留言()

 

網上購物盛行,除了國產淘寶,日韓代購、團購,在香港早已做到「頂爛市」地步,不少人創業都想由IG shop做起,但有人卻反其道而行,由解決「幫手買嘢」開始建立自己的事業。

龐榮林(Lewis)於香港大學主修財務,續往英國修讀金融管理碩士課程,畢業後被公司派駐日本兩年。其後轉往內地的手機遊戲公司工作,長駐北京。由於工作關係,他身邊有不少朋友都要求他代購,「試過有人俾水蛇春嘅list我去幫手買嘢,有時真係買唔到咁多,所以我就諗呢盤生意有冇得做。」

「既然大家都有呢個供應同需求,但好難去配對,如果突然間想購物,朋友未必可以即刻幫我,所以就諗緊點樣去解決。」一六年初,Lewis決定辭職,與兩位友人Tim及Winston一起創立代購app「Fetch」,令買賣流程變得簡易。

現時代購app平均每日約有二千名登記用戶使用,下載量約二萬五千。但現時費用全免,公司處於「燒銀紙」狀態。加上市場競爭者極多,不少同類型公司一年內宣布「玩完」,專家Kenneth直言「聽都聽過好多間做唔住」,到底有冇得做落去?

Lewis表示,以往代購網的流程一般都是「搵貨、私信、入數、等買貨、面交」,消費者可能搜索多時都未必找到心儀的物品,他就指:「成個模式就好簡單,我哋買賣雙方喺同一個平台上,如果我想買嘢嘅話,我就upload一張相作請求,寫喺邊個國家買,唔使報價,甚至唔知價錢都可以。」他續指:「Upload之後,我哋就會通知俾依家喺第二個國家嘅用戶,當佢哋收到呢個message,有人想要供樣嘢,佢哋又覺得買到,又知價錢,就可以報價。買家睇到有幾個報價,覺得OK嘅話,就可以接受,然後透過個app落訂,收到全額訂金之後,就會keep起先,直至完成晒交易,先會將錢交給賣家。」

Lewis自信地說:「比起其他平台,用我哋嘅平台一定可以平啲。」他解釋:「你upload件商品之後,可能有一百個喺當地旅行嘅人收到通知,當中有十幾個人可以買到嘅話,佢哋就會報價,就可以揀到最平嘅價錢。」而用家之一Bella就指,這個app比一般網購平台方便不少:「成個過程都好方便,好似我之前買咗支球鞋防水噴霧,可能比較普遍,就即刻有人覆,我上網比較番,百幾至二百蚊都有,但我嗰次買九十幾蚊。」

撰文:梁延宇
攝錄:廖健昌

相關連結:
【Startup●殘酷真相】代購app無收入 港大生幾乎食穀種:我哋每月使好少錢!
http://bit.ly/2Cq4N5N
【Startup●創業錦囊】Facebook多like反而無生意 專家:認清楚邊個先係顧客!
http://bit.ly/2CWW5Nm
熱門新聞
  • 林保怡篤完鮮肉男友激凸 淺水灣冧爆拍拖 52,312 views
  • 【獨家】千萬酬勞拍劇照推 胡杏兒:我一定要追多個 50,090 views
  • 陳志雲爆大鑊 佘詩曼拍劇拍到有陰影 38,380 views
  • 【索媽旅行有福利】黃伊汶露半球同囝囝索吻 蓋過梁浸浸風頭 33,351 views
  • 【封面●老中青炒虛擬幣●遍地開花】直擊深水埗腦場變「掘礦機」場 開炒幣講座兩小時賺40萬 32,954 views
  • 【來港五年仲未改到】阿仔扭眼瞓 郭晶晶出「踎」功絕技 30,282 views