< 返回
  • 【旺角撳錢黨(4)】打貪促成撳錢黨 中小企商會:小型走資
  •   22,449 views │ 2018年01月10日
    留言()

 

撳錢黨近月活躍油尖旺,香港中小型企業聯合會永遠榮譽主席劉達邦認為,他們每卡每天提款金額仍相當有限,「呢啲係小走資啦,可以咁講。」可走資金額相對比找換店等既有「枱底渠道」為少,「經匯錢上去嗰啲咪可以走多啲。」而找換店角色一直都是公開的秘密,由於港人匯款到大陸每天上限二萬元,形成雙向需求,「超過呢個額就要利用呢個渠道,其實佢哋都係對沖啫,即係呢度有人要港幣,大陸有人要人民幣,佢咪(做)中間人咁兌咗佢囉。」

談到何以「走資」,劉達邦強調「走錢出去不嬲都有,大有大走、細有細走;有合法走、有不合法走。」大至巨企、央企到海外投資,小至大陸人來港買樓,都可算是走資。他舉例說個別企業可藉虛報出口,實質將貨品重新包裝成「進口貨」轉作內銷,既騙取出口退稅,同時循「假入口」取得外匯配額將錢「合法」匯走,一舉兩得。

此外,習近平上台後厲行「打貪」,導致加速「走資」活動,劉達邦形容「習(近平)主席上台,蒼蠅老虎都照打(貪)嗰種凌厲攻勢,咪更加往外走(黑錢)囉。」他透露大陸當局近年間已接連出招收緊、打擊地下匯兌,「舊年、前年開始,我同我啲朋友在找換店匯錢上去,佢哋都話你收到錢要第一時間匯走佢呀,唔係佢(銀行)凍結你戶口呀。」找換店亦會將匯款銀碼拆細存入,以避過監管。至於澳門限制「走資」措施,劉相信與當地賭業蓬勃有關,「以前嚟講驚你賭,輸鬼咗。」

撰文:忻肇康
攝錄:海江田 王晴

相關連結:
【獨家跟蹤●旺角撳錢黨●走資新招(1)】每晚狂撳三千萬 旺角賓館設驗鈔機收錢
http://bit.ly/2EpTJ9s

【獨家跟蹤●旺角撳錢黨●高價收港元(2)】踢爆撳錢黨黑市匯款內幕 知情人士:洗黑錢
http://bit.ly/2FkRdCv

【旺角撳錢黨(4)】 打貪促成撳錢黨 中小企商會:小型走資
http://bit.ly/2Da7TMn
熱門新聞
  • 化身YouTuber? 謝文欣拍片唱爆黃凱芹 72,597 views
  • 【啜爆陳茵媺】老婆一拖三返加 陳豪難離難捨機場抱緊些 (足本版) 71,984 views
  • 【煉成絕世好老公】陳豪為仔女月花10 萬租南灣 陳茵媺:咁都比較吃力! (足本版) 44,559 views
  • 【最佳女友自己埋單】李佳芯拍拖買金飾 準備俾錢男友陳炳銓即閃(足本版) 35,438 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 33,506 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 27,550 views