< 返回
  • 【封面●老中青炒虛擬幣●遍地開花】直擊深水埗腦場變「掘礦機」場 開炒幣講座兩小時賺40萬
  •   34,435 views │ 2018年01月17日
    留言()

 

香港股市挑戰歷史新高,樓市早已升到無譜,但愛搵錢的香港人,追求的不止這些。

近月全球虛擬貨幣暴升過十倍甚至過百倍,吸引了香港的老、中、青,心口掛個「勇」字,便投身「玩幣」行列︰深水埗腦場由以往砌電腦機,轉砌掘礦機;廿九歲富二代摸熟「漏洞」秘技,兩個月間十萬元炒到六十萬;亦有五十七歲的上市公司執董,放棄暫無起息的細價股,轉以投資過百萬四川掘礦。市場上還有人搞講座、開設「掘礦體驗館」,以及收虛擬幣做學費,儲過千萬,等等。搵錢的方法,各式其式。

其中,虛擬貨幣的一種玩法,是安裝大量電腦,以電腦程式長期運算,「掘」出貨幣,統稱「掘礦」,這方式較真金百銀在市場上買幣來炒,更為化算。記者在深水場電腦城等視察,發現不少「砌機」的店舖,已經兼做礦機生意,沿途不少九十後查詢。

記者到其中一間掘礦店查詢,甫入舖已聽到陣陣電腦運作的聲音,更有大型紙牌展示礦機款式及「托管」價錢,其中礦機價錢由二萬至五萬多元不等。負責的職員指:「你買部機之後,可以放喺屋企擺,放喺我哋度托管都可以,件實物係你嘅,我哋主要收番上網費同電費,放喺屋企嘅話,其實真係幾嘈!」

說到中段,她突然將大型紙牌抽起:「今日已經唔係依個價錢啦!(加咗價?)係,貴咗!今日訂嘅機,全部會係三月頭先有貨,因為顯示卡愈嚟愈貴,同埋所有廠都無貨!」她指:「你就算依家落訂,你都係排喺一百人之後。但唔使諗,可以幫你變錢!」

「托管」地點主要在九龍灣或觀塘,「你俾電子錢包,我幫你set好晒,掘好嘅幣就放喺錢包。」能否定時看看機身情況?她剎有介事指:「唔得!萬一俾人偷咗點算!我唔會公開地址。」但她向記者承諾,有手機程式可「實時」觀看礦機情況,更保證不會將機送離香港:「去大陸放電費緊係平啲,但去到拎唔拎得番唔知!」

最後她「分享」炒幣心得:「講咩投資呀,其實都係投機,因為我二百幾蚊(美元)嘅時候玩,今年都已經升到千幾蚊。一個月前幫我買機嘅客,全部(回本期)八個月,依家基本上係唔使!」

IT人設「掘礦體驗館」
不少經營Startup的人,見手機app市場飽和,不少轉投虛擬貨幣市場懷抱。本身從事IT行業的Alvin及Ronald,上年見比特幣價格飆升,轉行租工廈成為「礦工」,之後更著力發展「礦場」事業,實行講座、體驗、代掘一條龍服務。

上星期六他們舉辦免費講座,教授入門知識,在Facebook短短數小時,六十個名額就已爆滿。現場見大多以年青人為主,兩小時講座期間觀眾不時舉手「搶問」。觀眾之一Evonne指,對今年以太幣走勢相當樂觀:「升幾多?升一倍一定沒有問題,我自己覺得咋!」她坦言之前全無投資經驗:「唔係話要炒、要賺錢,係俾佢嘅未來性吸引,所以去了解。了解之後再投資,真係有賺錢,咁咪想再了解多啲。」

至於有炒股經驗的鍾生,指上年在股市斬獲不少,部署用部分獲利投資虛擬貨幣:「蝕咗都唔會心痛。你見到虛擬貨幣回報,都唔只十倍或者更多,點解唔將賺的錢投資落去?」他直言投資虛擬貨幣比細價股風險更低:「如果合約有保證產量,佢本身幫你管理晒,其實無乜嘢可以研究,每日只需要睇升幾多!」

講座完結時,估計已經逾十個簽約,兩小時已做了數十萬生意。現時他們設的掘礦服務合約,入場費四萬三千元。Ronald舉例,上月他們平均掘到0.5至0.6粒以太幣,假設速度及價格不變,兩年可以賺十三萬元,扣除合約成本就可以賺近十萬。」公司更開放了「掘礦體驗館」,讓顧客身歷其境,體驗「場地」。在氣溫高達三十多度的房間,夾雜著刺耳的聲音及濃烈氣味,Ronald坦言:「無可能喺屋企掘囉,一定收投訴。」

撰文:梁延宇 黃嘉慧
攝錄:財經組

相關連結:
【封面●老中青炒虛擬幣●玩即日鮮】富二代瞓醒賺三成 「朝早同夜晚係有差價!」
http://bit.ly/2DyXbzh
【封面●老中青炒虛擬幣●棄炒細價股】57歲炒幣兩月賺300萬 百部礦機放四川
http://bit.ly/2FASXrH
【封面●老中青炒虛擬幣●隱身北角】奇女子收bitcoin當學費 85萬變1500萬
http://bit.ly/2B0eE0B
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 39,535 views
  • 【洗米嫂堅挺Body】狂舉十公斤操到有背肌 身材砌低後生女 37,277 views
  • 【最浮誇明星之家】吳剛老婆首曝光 全家豪華裝出巡拋窒途人 34,707 views
  • 【毒海蕭正楠】大麻可卡因溝冰毒 元朗隱世村與世隔絕戒毒 33,916 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 32,439 views
  • 【地鐵捕獲】邊個外賣look上車? 發哥:乘客睇手機唔睇周潤發 29,425 views