< 返回
  • 【經世濟民】如何用錢買起香港(利世民)
  •   3,713 views │ 2018年01月17日
    留言()

 

「你唔驚中資買起晒香港各項民生服務,然後就改晒啲規矩?」有位記者朋友在籌劃一套關於香港經濟的紀錄片,找我拿點資料;她關心的題目,是香港政治和經濟的互動。

「你要搞清楚當中嘅因果關係。究竟係中資買起晒所有重要資產,然後去改變遊戲規則?定係因為佢哋覺得自己可以改變遊戲規則去遷就佢哋,所以先至將資金停泊响呢個地方?」我如此反問。

我知道,對大多數人,自覺是中資想透過收購香港的經濟民生的重要環節,來影響這個城市的政策方向。不過,真正的問題,其實是有權制定政策,是否會因為企業背景又或者政治立場,而有不同的標準。

「你有冇留意到早幾個月,證監曾經罕有地主動聲明,表示內地國企、主權基金、主要上市公司,或於全球活躍的主要機構投資者,只要是因為一帶一路基建工程項目,就會得到證監格外開恩?」我明白在今時今日的香港,國策大過天。不過證監的職能又是什麼?可能有人會覺得,只要國家撐腰,又有何風險可言?甚至會有人分不清楚證監的角色,誤以為證監就是國家主權的延伸。假如這種想法深入民心,那香港的確在轉變中;中資是否買起香港,已經不是最重要的問題,因為就算不是中資,行事心態都會變得像中資一樣。

從前,沒有人對香港資本家說:「香港要打造成為輕工業出口城市,唔該你哋投資多啲工廠啦!」不過,在沒有中央協調下,香港成為了世界經濟奇跡。

「但係你唔驚當中資取代港資,每個消費者都要被迫幫襯中資嘅企業?」記者朋友繼續窮追不捨。

「咁你就要問,究竟點樣嘅政策之下,消費者會變得冇晒選擇。」我反問。

記者在深思。或許她認為,一直以來香港的消費者,在許多範疇都沒有真正的選擇。

「如果係有利可圖嘅生意,點解會冇競爭?有競爭,又點解只係有中資而冇其他資金?我唔怕中資做蝕本生意益街坊,我最怕係有利可圖嘅生意,會因為政策嘅偏頗,全部都由同一個背景立場的資金包辦。講得好聽,叫『肥水不流別人田』;但實際上呢個現象,叫做壁壘主義。」我說。

從前,在香港的政治經濟秩序,有個不成文的原則,叫「自由港」;自由港的定義,就是連宗主國的敵對國,在這個城市大多數時候也受到公平的對待,自由營商。當然,政府批出的合約或多或少會親疏有別,但是在自由市場的領域,一切依法治原則運作。

「點解你唔擔心中資買起香港?」記者再三追問。

「我擔心嘅係香港唔再有政治中立嘅自由市場。」我知道,對她來講,這種說法不是她預期中的答案。很抱歉要讓這位充滿熱誠的記者,要帶着她心中的問題繼續尋找答案。

但我希望她終有一日會明白,單憑錢,買不起香港的自由市場,不過當掌握了制定權力的人,可以用利益被收買,那就是另一回事。

權力必須要被制衡。無論初衷是如何崇高偉大,為了幾多人的利益着想,只要權力用作分配利益的想法被合理化,權力最終會被腐化,首先被收買的,就是那些掌握了制定權力的人。
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 39,535 views
  • 【洗米嫂堅挺Body】狂舉十公斤操到有背肌 身材砌低後生女 37,277 views
  • 【最浮誇明星之家】吳剛老婆首曝光 全家豪華裝出巡拋窒途人 34,707 views
  • 【毒海蕭正楠】大麻可卡因溝冰毒 元朗隱世村與世隔絕戒毒 33,916 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 32,439 views
  • 【地鐵捕獲】邊個外賣look上車? 發哥:乘客睇手機唔睇周潤發 29,425 views