< 返回
  • 【極限港女】美甲師沉迷釣魚 寒冬無廁所照出艇
  •   14,681 views │ 2018年01月20日
    留言()

 

談及釣魚,大家總會想起碼頭旁頂着大肚子的叔叔,抖着腿等魚上釣,非常麻甩。但偏偏從事美甲生意的Stephanie,對釣魚情有獨鍾。

Stephanie認識了現任男友,TVB綠葉演員黃文標。現任男友有鋪釣魚癮,有日興之所至,Stephanie便問:「你可以教我釣魚嗎?」怎料一釣上癮,現在她甚至比男友釣得更密。

很多人,尤其是女生都不明白,釣魚似乎就是「呆坐」,Stephanie樂不可支地解釋:「首先,中魚嘅一刻當然係最大嘅樂趣。好刺激㗎,因為有時候你唔會預料到你會釣一條咁大嘅魚,所以一中魚嗰一刻,你就會諗,慘啦,我的釣魚竿會否斷啊? 魚絲會唔會斷啊?好多思緒會湧現㗎。」

Gel甲釣魚

三十歲的Stephanie,十隻指甲都有着不同圖案,但又能嫻熟地穿起魚絲,打起結來。實在與大眾心目中所想的釣魚叔叔不同。她笑說,覺得自己有些少粗魯。「唔少男性釣友都話,你都夠粗魯啦。例如出艇想去廁所,女生怎去呢?無廁所,我就會諗方法解決。好多女仔都係因為無廁所,所以對釣魚卻步。」

為了釣魚,Stephanie真的可以去到好盡。「我最癲試過十度出艇,大風大浪,全身都濕透。凍到手指僵硬,綁唔到魚絲。但我都係好開心啊,如果你真心鍾意一件事,你唔會覺得辛苦的。」

釣魚讓她擴闊了生活圈子,人也開朗了,「因為我做美甲,本身全部見嘅都係女性,但你唔會約你嘅客人出嚟食飯。依家我好多時會上網睇其他釣友點樣釣魚 ,甚至會約釣友食飯吹水。」

與其以麻甩形容,Stephanie反而覺得一班釣友叔叔很懂得享受人生。「你諗吓,一個香港人可以有咁多的時間,坐喺度釣魚。要一個人拿出咁多時間,只是放在釣魚上面,幾咁奢侈啊!其實佢都真的幾識享受。依家我一唔開心就會話,去釣魚囉!我就會開心番啦。」

採訪:黃心悅

攝影:王晴

相關連結:

【極限港女】雞仔聲餅師開600cc電單車 「鍾意你估我唔到嘅感覺」

http://bit.ly/2DN8Bj4

【極限港女】26歲高齡闖亞運 獨木舟單親媽︰無嘢係無可能!

http://bit.ly/2rmDhVW

【極限港女】任港隊教練玩埋激流划艇 單親母網上眾籌助貧困學生

http://bit.ly/2DkNjfI
Stephanie是美甲師,公餘時間以外,所有假期幾乎都會用來釣魚。
Stephanie釣魚的「啟蒙老師」,便是其男友,TVB綠葉黃文標。Stephanie又笑說很多女生首次釣魚,都是因為男友「中毒已深」,要陪男友解毒。
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 125,102 views
  • 【大陸妻佗B仔】周永恒9月再做老竇:估唔到仲有女人信我(足本版) 78,445 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 73,615 views
  • 【為拍拖去到盡】港女為符意中人要求 3個月喪減40磅(足本版) 55,036 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,866 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 49,779 views