< 返回
  • 【財經坦白講●年賺千萬】08年開製作公司陷低潮 員工自願半糧撐住
  •   19,479 views │ 2018年02月04日
    留言()

 

我係Rono鄺海翔,今年四十二歲,係專做廣告及市場推廣的亞洲互動媒體控股主席。旗下三間公司一年營業額總共三千萬元,純利大約一千萬元。現時有四十五位同事,我哋會繼續請人,因為公司業績增長滿意,不想同事太辛苦。有中小企老闆問我,點樣可以「控制」員工?其實同事唔應該俾你控制。我唔係一畢業就做老闆,都明白打工仔心態:出糧重要,但都希望有個開心、受尊重的環境,好多嘢係相輔相成。

對我嚟講,老闆職責係幫同事,解決佢哋層面解決唔到的事,呢啲叫分工。平時我有好多福利,我哋每個月有生日party,有時成間公司去BBQ。有啲福利係突然出現,前排流感嚴重,全部同事去打防疫針,由公司出錢。打風日子,見到勢頭不對,我不用等天文台掛八號風球,都會叫同事散水先。

這裡平均八點前收工,製作公司來講算係早。我覺得咁樣係理所當然,我想像唔到當個人日日朝九晚十一,佢仲點會有創意?點會有靈魂?無network、無得同世界接觸時,就幫唔到公司。我成日同同事講,休息係工作一部分。

你對同事好,同事係感受到。○八年金融海嘯,一開公司就進入低潮,係相當大的震盪。原本有project 準備拍嘅都延期、或hold住咗,又收唔到錢,cash flow即刻好緊張。啲客好似約埋一齊唔找數咁!嗰時係嚴重到,出咗呢個月糧,下個月就出唔到。我同同事講:大家快啲搵工啦!嗰陣五、六個同事,佢哋好冷靜,去咗食tea。食完返來同我講,其實我哋有生意,可以睇多陣?不如出半個月糧頂住先。

簡單啲講,就係一齊頂咗佢!希望有轉機。對我來講係好感動,可能創意工業有啲唔同,無咁現實,大家都係去追求夢想。所以我都咬緊牙關,要對得住班同事。

當時我哋緊縮所有開支,同客戶溝通,說服佢哋逆境才是擴張的好時候。很多公司不敢郁,你郁,才攞到客戶!反正budget又不大,不如做咗先,到市好就有足夠marketing可以推出。後來啲客跟番個節奏,去到年尾,公司順利收支平衡,大家都好開心。有啲同事係由當年跟到而家,更加做埋我partner,好開心有佢哋支持。後來佢哋同我講笑,其實佢地都唔係好有義氣啫!當時係搵唔到工,起碼出住半個月糧先,哈哈!

撰文:黃嘉慧

攝錄:梁正平

相關連結:

【財經坦白講】創作人講管理 「你點對同事,同事點對你」

http://bit.ly/2DSGheh
熱門新聞
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 72,121 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 68,649 views
  • 【赤裸的女人】34歲天體港女:著衫好束縛唔舒服(足本版) 56,727 views
  • 【冇何傲兒繼續爺孫戀】八十歲林建名認食藥 拖日系少女睇Hello Kitty (足本版) 54,765 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 50,777 views
  • 【為拍拖去到盡】港女為符暗戀者要求 3個月喪減40磅(足本版) 49,153 views