< 返回
  • 【2018狗年運程】犯太歲就唔可以投資? 麥玲玲:催旺姻緣要咁做!
  •   14,226 views │ 2018年02月14日
    留言()

 

堪輿學家麥玲玲特別提到,今年多生肖犯太歲(狗、龍、牛、羊、雞),投資要更加謹慎,但犯太歲又未必完全代表沒有財運:「屬狗嘅朋友容易決定錯誤,即係買嘢容易開錯邊,揀啱都唔容易買得中;屬龍相沖年,非常之動盪,上落比較大;屬牛有太陰星,有少少財星,但就係慢,唔係急嘅財。而屬羊嘅朋友,本身都有福星,即有少少幸運之財,但唔可以太大注,贏少少『刀仔鋸大樹』。屬雞本身真係 只可以做中長線投資。」

至於財運較好的生肖,玲玲師傅表示:「屬豬,因為豬有太陽星,容易賺錢。屬老虎有『三台』代表步步高陞,屬馬嘅財運都唔錯。」問到財運較差的人,能否跟財運較好投資?她明言:「你想跟都未必完全做到嘅,都係跟番自己嘅運啦。」

每年都有不少港人選擇出外度歲,玲玲師傅明言位置選擇都相當重要:「往西面走就要小心啲,天災比較多,往北走亦都係,因為病星係喺西同北方,而西北就係桃花位,東北就係爭吵、官非嘅星,都唔係好理想,所以往南或東南走就最好。」她更特別提到,因為今年戊戌火土重,大型火災、火山爆發容易發生,都要十分小心。

至於流年佈陣,玲玲師傅更一口氣說出:「桃花今年喺西北方,不妨放置一些鮮花,放蘭花係比較好;要讀書考試升職好 要喺南方放四支四季竹,因為依啲都係文昌星到嘅位置。 想少啲爭執、防官非,喺東北位就唔好放一啲綠色或者植物嘅嘢,要放啲紅色嘅嘢。而財位喺東南,我覺得放水仙花係好,而大型嘅花,好似牡丹都可以放。」

撰文:梁延宇
攝錄:關永浩

相關連結:
【2018狗年運程】麥玲玲批狗年港股未震完 買咩股票最穩陣?
http://bit.ly/2EW0dhK
【狗年運程●香港命運】楊天命批林鄭犯太歲:市民係要出嚟遊行
http://bit.ly/2DKGQLl
【狗年運程●習總有運】楊天命批特朗普行衰運 催旺財運要做乜?
http://bit.ly/2rPu3S2
熱門新聞
  • 【鮮肉放題】《愛回家》吳偉豪 爆肌激戰出水芙蓉楊秀惠 69,892 views
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 61,282 views
  • 【坎坷身世大起底】苟姑娘嫁二奶仔 37,172 views
  • 【毒海蕭正楠】大麻可卡因溝冰毒 元朗隱世村與世隔絕戒毒 36,972 views
  • 【壹經典●富豪元配宿命】一夜夫妻百夜恩 李兆基前妻潛心信佛 35,426 views
  • 【紅顏元配宮心計】超級富豪各擁紅顏 元配為身份死忍到尾(名單逐個數) 35,090 views