< 返回
  • 【掃舖奇人自白】自封法拉利乞兒 李根興:最睇唔起無貢獻炒家
  •   14,832 views │ 2018年04月09日
    留言()

 

我經常形容自己係揸法拉利嘅乞兒,因為香港買得起舖嘅有錢人,唔會放低面子求人,相反乞丐又買不起法拉利。我有時扮鬼扮馬,都係想俾多啲人記得我,我拍片扮過女人、水貨客、小丑、阿伯拿菜刀,當然不是單純為出位,只穿一條底褲在中環跑一圈,一定會紅,但我並非靠核突而出位,係真係有個意義喺度。

有自信唔怕羞

我做商舖基金,集資買舖後,幫租客做推廣,希望他生意更好,我收租更多,大家互惠互利。我覺得扮鬼扮馬要有自信,當你無自信,就會怕醜,別人就會覺得你傻。但當你有自信站出來,又不是殺人放火,有什麼值得害怕。現實地一百個人當中有九十個當我傻,但無所謂,餘下十個人接受,買我的舖,租我的舖,投資落我的基金,自自然然點樣建立品牌。

睇唔起純粹低買高賣

啱啱開始呢個商舖基金,有兩個喺市場上極度出名嘅投資者,喺度我費事開名,都係講緊過百億身家嘅人,有時單獨見面傾開偈,佢就同我講,當你朋友至同你講,你搞乜鬼嘢基金吖,你呢啲後生仔仲喺度搏殺緊,梗係自己低買高賣啦,搞呢啲基金,賺嘅時候人哋嫌唔夠多,蝕咗人哋嘅錢個個嚟追你數,都唔知搞嚟做乜,不如你自己專注,好似邊個邊個咁低買高賣咪賺得仲多。

我嗰一刻心諗,你講咩啫,你有幾百億身家,一條毛都無分俾人,如果我有幾百億身家,一半都係幫人而賺返嚟。我最睇唔起嘅就係坐喺度乜都唔做,或者對個社會無任何貢獻,就咁純粹低買高賣,我唔想做嗰啲人。

超級牟利為用大慈善家

幫助社會有三種方法,一種方法就係捐錢,乜嘢人都得,傻嘅都識做;第二種就叫做企業社會責任,請多兩個殘疾人士,成間公司走去沙灘掃地,或者慳番啲電,前者後者兩種都好容易。但每個人嘅身家有限,我身家有一百蚊,我頂多捐九十九蚊,捐夠一百蚊好唔好?我係超級牟利公司,因為我好相信一樣嘢,你要做大慈善家之前,你要能夠做到大富翁。

第三種方法係Creating Shared Value,意思就係要做一樣嘢幫到社會,我能夠幫到人,令到自己賺更多錢,呢個循環就會轉得好犀利。喺舖嘅層面,依家搞啲服務式商舖,就係希望租客租咗我哋間舖,我度好多橋希望幫佢盤生意做得好啲,裝修營運上幫佢哋諗多啲橋。而且買我哋間舖,我都留啲水位俾佢哋,大家一齊賺。

 

撰文:財經組
攝錄:財經組

立即按此連結Download《壹週刊》: https://goo.gl/NVySCK
熱門新聞
  • 化身YouTuber? 謝文欣拍片唱爆黃凱芹 62,046 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 60,757 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 52,857 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 52,537 views
  • 【隱世武林高手】《天命》譚坤倫闖內地影圈 打出一片天 46,521 views
  • 【啜爆陳茵媺】老婆一拖三返加 陳豪難離難捨機場抱緊些 (足本版) 43,803 views