Donald Trump話要同中國打貿易戰，打幾大、打幾耐無人知，加上美國加息，港匯今朝四點五十三分，已經轉弱到一度觸及弱方兌換保證7.85水平。陳德霖之前話過會出手沽美元買港元，但今日就話若有銀行要求，金管局先會咁做。

難道陳德霖無出手，是因爲有任務在身？五月有兩隻大型IPO，其中一隻係平安好醫生，另一隻係同股不同權嘅小米，依家同緊新加坡爭。依兩單deal如果做唔好，隨時俾阿爺照肺！

要搞旺個場多人認購，就要保持港匯夠弱，因為北水、鬼佬基金要認購都要買港幣。到兩隻IPO 上場，自然吸到水買港幣，到時個場旺，港匯又自然會被托高啦。

金管局回應指注意到外圍時段（香港清晨）港元在銀行間市場於7.85的水平買賣。根據聯匯制度，港匯在銀行同業市場轉弱至7.85水平，若有銀行要求金管局買進港元，金管局便會以7.85港元兌1美元的弱方兌換保證價向提出要求的銀行買進港元，即觸發了弱方兌換保證。

值得留意的是即使港匯轉弱至7.85水平，只要仍然有銀行願意以7.85買港元，銀行同業市場仍然可以繼續以此價格互相買賣港元。換言之，即使港匯轉弱至7.85水平，亦未必一定會觸發金管局的弱方兌換保證。

撰文：宗菁華

立即按此連結Download《壹週刊》: https://goo.gl/NVySCK