< 返回
  • 【買樓有絕橋】樓市期權先買後儲首期 資深投資者狠批有盲點
  •   8,614 views │ 2018年04月27日
    留言()

 

常言計畫趕不上變化,儲首期的速度,遠趕不及樓價升幅,香港的年青無樓族應該感受最深,「你好努力儲錢,但樓價不斷升,幾年後儲到一嚿錢,但已經樓價已經升咗。」八十後的Annie為此研發樓市期權「Propssible」,「依個名意思係property possible,希望幫到年輕人上車,又唔怕摸頂。」

Annie笑說身邊的朋友已經開始結婚、買樓,無形中自己都有壓力置業,「其實我自己都好想買樓,但我心態係,已經升咗九年,買一個最細啟德一號單位都要六百幾萬,我會唔會摸頂?我真係不敢入市,我經常想睇定啲,點解我有依個心態?因為我覺得很不安全,沒有一種保障到自己的工具。」

Annie原於銀行擔任項目經理,她的構思是減低樓價波動對買家與業主的影響,「作為一個買家,你講想買單位嘅價格,打算用例如三年儲首期,我們就會幫你做一個配對。假設你想買個單位400萬,四成首期俾160萬,三年後樓價升跌5%,一個400萬單位就變成380萬或者420萬,首期相差8萬。依8萬,升市就業主俾,跌市買家俾。」這個計劃尚在初期,今次參與科大舉辦第8屆「百萬元創業大賽」,讓公眾於下月25日前參與投票,Annie希望從中收集意見,改良計劃的細節。

而人稱「炮哥」的資深投資者陳清白認為計劃有一大盲點,「香港有咁多樓,中原指點淨係用十大屋苑做指標,有心人用賣公司嘅手法,左手交右手日日破頂托高樓好容易。」他亦感覺樓價久升不下,業主參與的誘因不大。Annie要助人上車,亦完自己的上車夢,尚需努力。

撰文:財經組
攝影:財經組
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 38,953 views
  • 【洗米嫂堅挺Body】狂舉十公斤操到有背肌 身材砌低後生女 37,229 views
  • 【最浮誇明星之家】吳剛老婆首曝光 全家豪華裝出巡拋窒途人 34,643 views
  • 【毒海蕭正楠】大麻可卡因溝冰毒 元朗隱世村與世隔絕戒毒 33,762 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 32,402 views
  • 【地鐵捕獲】邊個外賣look上車? 發哥:乘客睇手機唔睇周潤發 29,373 views