< 返回
  • 【消失的中環】中資趕外資 置地高級Banker竇降格變自助餐廳
  •   26,544 views │ 2018年04月28日
    留言()

 

英國佬揸拂的置地,過去三十年一直以優惠租金,把Landmark樓上的告羅士打大厦四十三樓租予Hong Kong Bankers做竇,不過呢三十年情即將告終,置地已決定於2020年約滿後不再續租。

成為Hong Kong Bankers Club 會員係金融界身份象徵,此私人會所一九七八年由馮秉芬爵士籌組,本來叫做Overseas Bankers Club, 當時冇乜本地銀行做到外滙交易,所以有唔少外資行在香港做生意揾食, 自有不少銀行大班。

呢個Bankers Club成立之初的董事,都是住半山或山頂的銀行大班,有法國 BNP, 澳洲 ANZ,Swiss Bank, 德國 Dresdner Bank,甚至 連北歐 Scandinavia Bank 及日本FujiBank 都是代表,可見四十年前的香港幾咁國際化。

隨著外資行在香港金融界逐漸被華資甚至中資取代,呢個會都唔容易撑落去,以往銀行生意滔滔,特別是雷曼爆煲前,銀行會用corporate級別嘅身份入會,再俾啲banker享用呢個Club請客食飯,傾吓生意,好鬼尊貴㗎,男仕唔打番條呔即被拒諸門外,但係自從雷曼事件後,銀行唔係咁容易喺客仔身上搵到銀,銀行自然冇budget俾錢入會啦,甚至退會,Bankers Club 2017嘅財務報告都講,corporate會員數目持續下跌,竟然有245個corporate位空咗出嚟(vacant)!所以 呢幾年為左吸新血,唔係banker都可以入會,做會計同律師都得。漸漸地Bankers Club變成同姨媽姑姐及友好聚脚嘅 Eating Club,裡面間餐廳其實好鬼抵食,週六 自助餐,竟然可以任食魚子醬!

置地不再續租予Bankers Club個會都好頭痕,今時今日想係中環揾番個咁尊貴嘅竇,你估好容易?呢個Club 雖然有一億幾銀嘅投資係手,但大部份係債券及股票,當初呢班老外banker 眼光及遠見真係唔及班華資商家,幾廿年前以胡兆熾及梁球琚為首的順德聯誼會,就喺中環買左成幢大廈做永久會址,雖然幢唐樓殘舊咗啲,不過都叫做係中環有個竇吖!而上海佬都唔執輸,十幾年前沙士,都係中環自置三層樓做會所,呢個年頭,做有磚頭揸手嘅會所會員先至夠實際,否則年年加會費就冇瘾啦!


撰文:宗菁華

相關連結:
【朱太逼降新加坡】富豪都玩謝!香港私人飛機場有錢都冇位泊
https://bit.ly/2Huaoi8
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 38,957 views
  • 【洗米嫂堅挺Body】狂舉十公斤操到有背肌 身材砌低後生女 37,233 views
  • 【最浮誇明星之家】吳剛老婆首曝光 全家豪華裝出巡拋窒途人 34,649 views
  • 【毒海蕭正楠】大麻可卡因溝冰毒 元朗隱世村與世隔絕戒毒 33,765 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 32,402 views
  • 【地鐵捕獲】邊個外賣look上車? 發哥:乘客睇手機唔睇周潤發 29,375 views