< 返回
  • 【捷榮上市】咖啡大王搞埋急凍肉生意 分析師:新股黑馬!
  •   15,616 views │ 2018年05月01日
    留言()

 

今年85週年的本港咖啡品牌捷榮集團,昨日(30號)起招股,入場費約4424元。光大新鴻基財富管理策略師溫傑將捷榮形容為「新股黑馬」,他解釋:「舊有業務有穩定現金流,亦都有新業務嘅憧憬,亦都有品牌,再加上市場好似因為平安好醫生而忽略咗佢,反而令到股價嘅上升潛力會好過普通人預期。」



不過,近期多隻新股一炒上去後很快就大跌,捷榮會否重蹈覆轍?「可能始終佢做B2B,唔係擺喺街度賣俾你咁樣,所以認受性無咁高,似乎比較之下,佢股價唔大升嘅機會,即係under value(低估)嘅機會係大過佢嘅股價急升,跟住下跌嘅情況,應該咁樣講,市場對佢滄海遺珠(嘅機會),會大過對佢over value(高估)。」



民眾證券董事總經理郭思治亦看好捷榮走向:「除咗傳統咖啡業務之外,仲有紅茶、肉食方面嘅發展,我覺得前景可以睇高一線,尤其是定位為內需股嘅,基本上唔應該睇淡,因為如果打開咗內地市場不得了,十三億人口你咪計吓條數囉,係咪?」據悉,捷榮計劃將更多生產線轉移至東莞廠房。



捷榮的上市文件顯示,公司現持現金及現金等價物7481.1萬元,去年賺4837.4萬元。捷榮每年產253.2百萬至337.7百萬杯咖啡,每年茶葉產302.4百萬至403.7百萬杯奶茶。除了咖啡及奶茶外,近年捷榮亦進攻急凍肉類及預製食品市場。



捷榮的市場佔有率高,近六成食肆都採用捷榮咖啡及茶產品,包括麥當勞、吉野家、7-11、大家樂、大快活等大型連鎖店。位於荔枝角的新發餐廳陳姓經理指,餐廳採用捷榮咖啡豆「十幾廿年」,他大讚:「維修方面好快捷,迅速、變相幾時有問題都幫到,好多客來都是因為我地杯咖啡,以及食物,變成像partner(夥伴)形式,那些客戶接受了這味道,所以我完全推介。」



捷榮現發售2.39億股,招股價介乎1.5元至2.19元,將於5月11日掛牌,集資約5億元,將用作拓展業務。捷榮將引入兩名基礎投資者,包括日本肉類加工製品商NH Foods Limited及新加坡食品商Fraser and Neave。此外,捷榮曾於2001年在新加坡上市,其後於2013年私有化並在新交所除牌。



撰文:財經組

攝錄:財經組

 

相關連結:

【捷榮上市】黃氏分三家雄霸市場 獨家訪問捷榮十二少入院

https://bit.ly/2HMAHfJ

【捷榮經典傳奇】翠華老闆做外賣仔 12少親爆:我仲蝦佢打佢

https://bit.ly/2jmU2sY
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views