< 返回
  • 【電單車鍍膜●由小品牌做起】汽車美容貼出新意 價錢六千元起跳
  •   5,023 views │ 2018年05月02日
    留言()

 

伴隨童年的卡通貼紙,以至長大以後的memo紙,日常都會接觸到的貼紙,原來都可發展成一門專業。今年三十三歲的阿軒,十七歲便以這手藝謀生,「wrap紙係我專長,每一種物料有唔同嘅厚度、硬度同埋延伸能力,揸刀力度嘅控制,一開始跟師傅都俾佢鬧過好多次。個陣放咗學搣咗校章就返工,跟個師傅學黐貼紙,無論大型嘅圍街板又好,交通工具又好,細到一啲名牌嘅logo字,有時做一啲展覽或者fashion show,都需要黐呢啲logo,做廣告黐貼紙係最基本。」

他說最初是貼交通工具,其後開始接觸大品牌,「黐小巴個啲,想花心機靚啲,都俾師傅催要快。之後大品牌個啲,就講求質素,其實就算師傅唔要求,自己都會覺得係大品牌例如Nike、Gucci,對自己要求高咗,自然會注意各項細節。」阿軒之後自己做老闆接生意,繼續替很多大型時裝品牌的廣告貼貼紙。

由打工,到自己接生意,中間一直努力賺錢,今天轉行開了自己的汽車美容店「叁壹肆汽車美容」,「六年前已經夢想開店,終於今年成功開業。一路都未搵到拍檔,着手搞都有好多嘢,設計、安排、施工,好大壓力,見到搞掂個刻真係想喊。」現時阿軒仍是離不開貼紙,「主要做電單車wrap紙(車身貼膜),電單車貼有分兩種,一種就係轉色,可以隨時搣番變番原廠色,唔似噴油會冚咗佢。另一種就係透明保護,刮花咗用少少力就可以掃返平。以我所知香港做電單車wrap紙得兩三間,因為貼電單車麻煩好多,價錢同黐私家車差唔多,但我哋都照做。」價錢起六千元起跳,阿軒發展其老本行外,未來亦有計劃更進一步,提供更多汽車美容服務。

撰文:財經組

攝錄:財經組

相關連結:

【電單車鍍膜●不怕升職「加辛」】老闆介紹大陸廠家 建人脈自立門戶

https://bit.ly/2vYlman

熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 134,826 views
  • 【大陸妻佗B仔】周永恒9月再做老竇:估唔到仲有女人信我(足本版) 82,456 views
  • 【為拍拖去到盡】港女為符意中人要求 3個月喪減40磅(足本版) 56,513 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 51,936 views
  • 【同王浩信玩完】戰鬥格蔡思貝 深坑露腿姣攻老外一撻著晒(足本版) 45,875 views
  • 【第一次痛定唔痛】40歲港女第一次唔成功 美女性專家拆解女生心理(足本版) 43,511 views