< 返回
  • 【3分鐘搵錢秘技】搞清楚邊個係你個客 自然送上門令你發達
  •   7,311 views │ 2018年05月12日
    留言()

 

考考你,當特朗普同金正恩依家喺寶蓮寺秘密會面,金仔話即興叫廿箱whisky 隊冧阿Donald? Call貨van送貨。咁係呢一刻,阿金仔定阿Van仔係你嘅首要客戶呢?

哈佛教授Robert Simons話做生意,要知道who is your primary customer邊個係你首要客戶。照顧得佢開心,自然所有其他人就會送上門,令你發達。

教授話每間公司都有一條價值鏈value chain,由入貨,到加工,到出貨,到售後服務,每一步都係嘗試幫個產品或者服務增值,成個過程入面,收入多過支出嘅自然有錢賺。但點解班客會幫襯你呢?你員工好叻?供應商啲貨好平?partner好醒?舖個位好靚?定係你服務得班客好好呢?邊個最重要,邊個就係你嘅首要客戶。

可惜大部分老闆都搞唔清楚佢係邊個。覺得個個都係客,阿教授話咁樣就係大錯特錯。When you're serving everybody,you become nobody。你應該將絕大部分嘅資源放喺你嘅首要客戶度,而其他所有「所謂」嘅客,就將資源盡量減少。做到三隻字「Just Good Enough」。因為資源係有限嘅,只要把你嘅首要客戶做到最好,其他所有人自然會嚟。

佢未必一定係畀錢你嗰個,但一定係成條價值鏈最重要嗰個。例如哈佛大學首要嘅顧客唔係學生,而係要吸引世界最知名嘅教授,咁啲學生哥自然會來。因此佢成間學校嘅架構都係以教授行先。麥當勞係頭嗰三十年,首要顧客唔係班食客,而係最重要同班地產商合作,攞到靚位,咁嗰包唔使太好食,都自然都有人經過入嚟。Amway / Nuskin等傳銷公司好成功,首要客戶唔係搽喺塊面嗰個用家,而係最緊要多分銷商。自然就大把親戚朋友用,產品未必一定係要最靚。Just good enough就夠啦。

撰文:李根興

立即按此連結下載《壹週刊》APP:http://bit.ly/next28app
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views