< 返回
  • 【壹經典●官商神秘飯局】海嘯富豪炒股輸爆廠 約律政司福臨門講數
  •   12,414 views │ 2018年05月28日
    留言()

 

零八年金融海嘯,不少人炒股傾家蕩產,城中富豪一樣輸爆廠。當年一眾私人銀行家向富豪推銷accumulator(累計股票期權)合約,富豪以為賺得和味,最終金蛋變毒瘤。

市場亦謠言滿天飛,繼傳出有富豪炒燶股入養和休養後,又傳有富豪唔認輸要與投資銀行對簿公堂。

當年股市瀉得最急的其中一日,灣仔福臨門就設有一席富豪飯局,出席富豪包括嘉里主席郭鶴年、東亞銀行主席李國寶等,而最耐人尋味的是當年律政司司長黃仁龍以及前高盛高層Tim Dattels也是座上客。這場騷一上演,令人推測是一眾富豪向投資銀行家造勢反擊。

當日中午十二時多,李國寶先到達灣仔福臨門;相隔一分鐘,郭鶴年亦到達,兩人交頭接耳,雙雙步入酒樓。不到十分鐘,黃仁龍亦到場,並由李國寶親自迎接;而人稱「細劉」的劉鑾鴻,則早已在福臨門內恭候。至下午三時,細劉率先步出,手上拿着一個公文袋。而李國寶亦在數分鐘後扶着郭鶴年步出飯店,黃仁龍則和一位外籍人士在混亂中離開。

李國寶事後向在場記者表示,與黃仁龍「識咗好耐,是好好朋友,亦傾咗好多嘢。」至於內容有否涉及令不少富豪損手爛腳的Accumulator,李國寶答道:「唔只傾呢啲!」至於律政司的發言人,則說當日午膳屬黃仁龍的私人聚會,不清楚飯局內容。

當年金融界盛傳,部分富豪炒股損手,尋求法律意見,希望從購股合約中找出漏洞,追討賠償。而巧合地在這富豪飯局前數日,就發生了一場驚心動魄的海嘯襲港股。以往遇到此情況,銀行在金額及期限上都「有數講」,以免得失貴客,但當日銀行卻態度堅決。而最「抵死」的,是當日銀行都是經短訊(SMS)通知富豪,免得他們因「接收不清」或由秘書記錄而事後拗數。

部分富豪對投資銀行的絕情深感不忿,亦懷疑有人藉香港仍未限制沽空,存心質低股市。當年郭鶴年一如散戶,都有炒新股,但除了中交建及工商銀行賺了共六點六億之外,其餘新股賬面蝕過億。當中最「甘」是花十四億抽的四隻內房股,包括Soho中國、碧桂園、奧園及復星。

據知,城中富豪最終傾掂數,向私人銀行分數年攤還欠款。期後還以八十多歲之齡,在地產及股票市場再賺番凸。

撰文:壹週刊編輯部

立即按此連結下載《壹週刊》APP:http://bit.ly/next28app

相關新聞:

【壹經典●香格里拉之謎】「特金會」熱門地 糖王郭鶴年家族如「康熙王朝」

https://bit.ly/2L2k9SV
熱門新聞
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 102,974 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 71,874 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 68,518 views
  • 【赤裸的女人】34歲天體港女:著衫好束縛唔舒服(足本版) 56,651 views
  • 【冇何傲兒繼續爺孫戀】八十歲林建名認食藥 拖日系少女睇Hello Kitty (足本版) 54,664 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 50,621 views