< 返回
  • 【重江湖味細價股】江湖猛人多徒孫 變細價股賣點
  •   13,859 views │ 2018年05月31日
    留言()

 

近排啲炒股佬力吹一隻名為寶德國際(372)嘅毫子股,此股早前落入「仙股聖手」孫粗洪手上,舊年以每股$0.596配售(372)29%予程民駿,自此啲講股佬就有故講,賣點是程民駿老豆程萬琦!

事實程萬琦亦非等閒之輩,喺佢擔任會長嘅世界華人協會網站上介紹,不諱言同五億探長呂樂有交情。事實上江湖上嘅猛人如14K蕭華,沙田寶福山老細馮成都認程萬琦做師傅。

92年程萬琦以一介商人之名成立世界華人協會,不過就職典禮喺尖沙咀奧麗酒店舉行時就遭到O記踩場,他又加入香港體壇,擔任籃球總會名譽會長跆拳道總會會長等,四出打交道。但90年代程萬琦曾兩度遭加拿大政府 拒絕入境,2000年悉尼奧運,他以書面申請入境時亦遭到澳洲當局以「國家安全」為由拒絕入境。

四年前,中聯石化前主席許智明同抽水大王官永義因財失義,攪到個「金融黑幫追殺令」,程萬琦亦曾出面替許智明擺平 ,更出動勝和前坐館上海仔以及幾名江湖大佬幫手。時移世易,炒股佬現時將程萬琦包裝成獲國家元老級信任嘅商人,程萬琦亦自揭身世,謂阿爺程金璧曾是孫中山秘書,老豆程成虹是共產黨員,重新包裝為中港澳名人 咁喎,估唔到,呢啲先至係宜家嘅炒股元素啊。

撰文:宗菁華
熱門新聞
  • 【歌星悲歌】面對現實屯門做小販 黃翊:的確係難堪 (足本版) 82,538 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 62,470 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 56,233 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 53,524 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 49,442 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 47,014 views