< 返回
  • 【揀舖十大禁忌】對正凶宅墳場 都不及呢啲位咁凶?
  •   21,276 views │ 2018年06月09日
    留言()

 

樓,最忌係凶宅同墳場景。舖呢? 你好少聽過凶舖,因為玩大咗通常都係返屋企。望墳場?no problem,咪做多啲元寶蠟燭生意囉。

咁唔通舖真係百無禁忌?No no no no no!以下就係㨂舖十大禁忌?

第10位,斜路。平路嘅舖就係值錢個斜路嘅舖,因為人 young 緊斜路嘅時候就唔想買嘢。睇你有幾斜啦,好似卑利街呢道咁斜,價值無咗兩成。

第9位,西斜。「陰陽街」通常都係指西斜嗰邊係陰街,即係少啲人行嗰邊。間舖西斜,門口人流少咗,冷氣用電又多啲,貨品損耗又大啲,請人都難啲。舖價?無左一成半啦。

第8位,樓梯。人就係懶,如果一間舖要行多過三梯樓梯先至入到去,我一般都會避免。呢幾級樓梯?就令到呢間舖貶值兩成啦。

第7位,欄桿。最好嘅舖就係四方八面嘅人見到佢都好容易行入去,但如果前面有欄桿欄住曬㗎啦,啲人要特登繞路過去,咁啲生意就好容易畀側邊啲舖截住曬啦。 呢度咁?又冇咗一成啦。

第6位,行人路窄。最好間舖前面條行人路起碼有兩米闊, 擺啲貨出嚟之餘,啲人仲有位行。 太窄嘅話,啲人想停低望多兩眼都唔得,就真係旺丁不旺財啦。呢道咁窄,又唔見一成啦。

第5位,側邊係厭惡性行業。如果你側邊係間棺材鋪或者係個豬肉檔,掛住幾條豬腸喺度,賣臭豆腐都好,我就一般會避免啦。呢度咁,棺材?又冇咗兩成啦。

第4位,在電力變壓站側邊嘅舖,我就會避忌啲。 因為成日新聞都話有啲電磁輻射分分鐘可能長遠影響健康, 我就唔會用條命係度博啦。黐住個變壓站,又冇咗一成半啦。

第3位,轉左嘅左邊舖,或者轉右嘅右邊舖,通常人客都係睇唔到㗎。因為你在此轉左嘅時候,你對眼係向前望嘅。你唔會轉左嘅時候扭埋條頸向左邊睇,好似呢間759咁,放咗盤好耐,都好難賣出。價值?又冇咗一成半啦。

第2位,電單車位。因為通常電單車泊曬喺度之後都係岩岩巉巉咁,啲人好難先行穿過啲電單車入去呢個舖頭。 門口又難睇,一泊就泊成幾日,阻住曬。舖價?無咗一成啦。

第1位,登登登登.... 頂心杉!鋪頭就梗係打開門口做生意,成支「頂心杉(即係主力柱)」插住喺門口,仲衰過頂住個肺,乜嘢財氣欄住曬。揀呢啲舖要特別小心,價值又冇咗三成啦。

中招唔緊要,我都中招唔少。最緊要識得相對地調整下個價。我啲都中招唔少。一隻字,平!可以解決好多問題!

撰文:李根興
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,531 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,487 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,454 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,088 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,484 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 40,358 views