< 返回
  • 【50歲廠佬轉型】投資150萬3D打印首飾 「大叔」變少男:我hashtag玩得好叻
  •   7,711 views │ 2018年06月10日
    留言()

 

「我哋係咪仍然同客人一齊搭呢隻船呢?咁佢沉緊我哋係咪一齊沉落去,咁如果一齊沉落去,個結果會好慘。」人到中年願意挑戰自己的人不多,更多人已經計劃退休。今年50歲的盧志昂(Andrew)投身鐘錶首飾30年,憑八十年代「做廠」的黃金年代找到很多桶金,是名符其實的「廠佬」,但世事無常,甜美的果實已不存在,訂單不穩,收賬困難,令不服輸的Andrew希望借3D打印技術及手機應用程式改變行業生態。

黃色裇衫襯藍色格仔西裝外套,戴黑框眼鏡,一身smart casual的Andrew予人一種活力的感覺,但更難得是經商上的魄力,看中廠房生產首飾上,缺乏彈性及自主,在個性抬頭的年代下Andrew在半年前創位手機應用程式LASDF,讓顧客可以在應用程式中,繪畫自己的設計,訂製屬於自己的首飾。

Andrew表示最深刻是曾經把一個小孩的畫作,變身成一條頸鏈,「好短時間就做咗呢件作品,送返俾小朋友親手送返俾媽咪,事後聽到媽媽都好感動。」Andrew話以前廠房生產,要做到個性化手工很難,「過去廠一定要先有模,你無模,機器就唔可以運作,以前科技無咁先進,只係傾草圖都用上三個星期,由畫圖到面世需要半年,借助3D打印技術四日已經可以有成品,整個流程最長三星期內就送到客人手上。」

今年Andrew再下一城,與德國公司合作研發3D掃瞄器,全機裝有270個鏡頭,只需兩秒便能為人體作全身掃瞄,對比過往需要五到十分鐘,大大縮短掃瞄時間,Andrew自豪地說他看中一眾寵物愛好者的需求,日後希望攻佔這個市場,令一眾「狗主貓奴」可以掃瞄自己的寵物製成首飾,同時克服要貓貓狗狗靜止五分鐘的難點。

壹仔過住採訪過不少中年創業的故事,其中最大優勢是銀彈充裕,Andrew都不例外,「前後呢盤生意由籌備、寫應用程式、宣傳,各方面大約洗咗150萬。」訂造首飾分淡旺季,平日平均也有幾張訂單,聖誕節、母親節及情人節的高鋒期,會比平常每日多十多件訂單,令整盤生意在近年開始已達收支平衡。

五十歲中佬求轉型當中,除了在金錢上有回報,最大收獲是創業中認識到一班年輕的朋友,「記得我剛剛做App個陣,仍然係一個『短褲大叔』,結果結識到一班年輕嘅朋友,佢哋一人一句就將我呢個大叔tune到我個腦袋變成一個少男,依加我講嘅嘢,hashtag係玩得好叻,開頭我完全唔識。」難怪Andrew在受訪當日,與其他90後同事都能有傾有講,完全沒有架子。

撰文:陳世鍾

拍攝:胡智堅
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,531 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,487 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,454 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,088 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,484 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 40,358 views