< 返回
  • 莎莎女婿專訪|做過月薪萬二行街sales 陳振邦:最難係放低面子
  •   15,806 views │ 2018年08月02日
    留言()

 



「最難忘嘅事,我諗就係要放低身段。」今年37歲的The Block Group創辦人暨行政總裁陳振邦(Davis)來頭不小,是「威威」洗衣粉億豐行太子爺,亦是莎莎國際(0178)老闆郭少明的女婿。上星期曾因接受報刊訪問時的一句:「年輕人努力做嘢或者就可以Full-Pay買樓上車!」而成為網上熱話。被外界評為不吃人間煙火的他,其實亦有過一段「身水身汗」的日子。「一開頭番屋企公司幫手時係做sales,要走訪兩個區300多間藥房去推售威威嘅產品。」經歷過月薪只有萬二元的他,指最難是面對身份的落差。「喺屋企時唔會有人要你做嘢,連吸塵都唔洗做;但當出去做嘢要放低面子推銷產品,其實係好難忘。」

拒絕空降

擁文學及商業學雙學士的Davis在畢業後就擔任銷售代表,負責向客戶推售「威威」產品;這個由低做起的決定,竟非由家人提出。「因為我哋就係要管理呢班前線嘅人,無經驗亦都未做過呢一樣嘢,你係好難駕馭呢班前線,我要自己跑過區先會俾到好嘅建議。」做過前線銷售一年,再回國內擔任月薪萬五元的產品設計及市場推廣人員三年後,Davis總決定離開溫室,出外闖闖,在一間日資公司擔任客戶主任。「我識日文,想學以致用,當時就負責銷售公司嘅家庭用品俾AEON同UNY呢類大公司嘅買手。」

轉戰房地產

於2008年跟莎莎太子女郭詩慧結婚後,Davis曾到岳父公司工作五年,由管理見習生(Management Trainee)做到高級業務發展經理(Senior Business Development Manager)。後因一次跟親友到澳洲旅行的經歷,決定轉戰房地產。「喺澳洲透過Airbnb租住一間經翻新嘅屋後,就開始諗究竟可唔可以喺香港實行同樣嘅事,將舊嘅嘢活化俾香港人使用。」其同時想到現時年青人創業艱難,希望提供價格較相宜的工作間,減輕年青人的經濟負擔,便在2016年創立The Block Group,開展活化工廈的大計。

公司兩年內在分別葵涌和荃灣西的工廈,購入全層單位,經過翻新後提供12和68個工作室單位。位於荃灣西「The Block Sea」的項目,平均呎價約7,000元,入場費約57萬。Davis有家人支持創業,雖不用為沒錢苦惱,但畢竟翻新工廈單位是第一次嘗試,沒相關知識和經驗的他,面對不少問題和困難,「因為我無建築相關嘅底,好多技術上嘅術語同知識我都係第一次去掌握,例如工業大廈建築嘅入則部份,同我之前接觸嘅經驗好唔同。」買賣樓宇亦不是Davis所熟悉的範疇。可幸Davis有一班可信任的團隊,所有事都處理得妥妥當當,「我好放手以及信任我同事去做,呢樣嘢我叫做委派(delegation),如果搵到一個有化學作用嘅同事,喺工作呢個範疇上,其實我係好俾空間佢哋創作同發揮所長。」

身份不是最重要

笑指自己不是完美的Davis指會接受員工批評,「同事可以提我,更可以話我,我唔會介意。」對內對外,亮麗的「太子爺」身份,有時也會成為無形壓力。「有呢個身份,對客傾生意時其實更加要準備得更多更足。」

採訪:吳梓婷

拍攝:廖健昌
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,400 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,319 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,374 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,019 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,421 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 39,763 views