< 返回
  • 【橋唔怕舊】超優惠5厘息誘股東 無本生利 林炳昌:去埋巴拿馬追佢都無用!(足本版)
  •   12,816 views │ 2018年08月08日
    留言()

 

本刊上周一踢爆一個猶太金融大鱷集團,以低息息誘一眾細價股股東押股借錢,涉嫌偷偷沽售股票後逃之夭夭,苦主包括股壇老手王文漢、第一信用(8215)前執董曾仁光等。報道出街後,執業律師林炳昌即時聯絡本刊,替疑是苦主之一的「細價股玩家」莊友堅澄清並無向涉事公司借錢。

林炳昌接受訪問時大讚將「猶太金融大鱷 專劏細價股玩家」一文擺上本周一頭版,能讓更多人得以警惕。他憶述六、七年前也有同類型騙案,有美國基金先後在邁阿密及巴拿馬這些「逃稅天堂」註冊,來香港專吼細價股股東以低息借貸作招徠,相比起市場上的利息至少十幾厘,他們可提供低至5厘息口,「若你又需要錢,叫阿媽簽埋都肯」。

林炳昌指曾與相關集團人士交手,問及他們如何提供超平息,「佢哋話好簡單,我哋個基金平呀嘛,我哋系美國個基金,畀零利息,依家厘幾兩厘,我哋中間有個息差,三厘都好滿意。佢講得好堂而皇之。」

林回想當時有個客戶向他求助,透露成交量突然變大,肯定有人為介入股票買賣,「一路持續咗幾日,已經俾佢賣晒啲股票」,他追查下發現全是海外公司,而有關主腦亦人間蒸發。「我甚至去埋巴拿馬追佢,但都係無用。」他相信即使找到涉事的公司,也只是一間空殼公司。

林指不少事主包括王文漢不虞有詐,很放心地以股票作抵押借貸;然而魔鬼在細節,合約中指示證券公司處理個人戶口,並調動債仔的股票,「佢唔夠幾日後,將你啲股票向市場拋售,市場一出現拋售,自然股價就跌,一路跌,跌到某一個水平嘅話,你咪成手貨畀咗佢囉。」

而事主很快就發現所謂獨立的第三者其實都是「自己友」,「佢係法律上有咁嘅權力,即時將你手貨系市場裡面賣晒都得,如果處理得唔好,你最終仲爭佢啲錢添。」貸款人回本後仍可能操控股票,「你一路唔去托個市,個股價一路跌,一旦觸發『違約事件』(Event of Default,即須即時履行還債責任的條件),佢監平監賤又賣埋畀你,變咗根本佢無本生利,攞你啲股票去售賣。」

林認為今次猶太金融大鱷的手法比當年更「精靈」,「佢係知道香港有間『360』,同鄭躬洪、鄭躬明有關係嘅,專登整埋『360HK』、『HK360』,又『360-HK』,王文漢咪中招囉,佢以為『360HK』係鄭躬明間公司。」

撰文:財經組

攝錄:鄭樹清

相關連結:

【仲有苦主未浮面】金融大鱷設局 睇中押股借錢者大多啞忍 證監會收投訴無行動(足本版)

https://bit.ly/2Mudot6

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,400 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,319 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,374 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,019 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,421 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 39,763 views