< 返回
  • 【仲有苦主未浮面】金融大鱷設局 睇中押股借錢者大多啞忍 證監會收投訴無行動
  •   240 views │ 2018年08月08日
    留言()

 

足本版精彩內容,請點擊以下網址:https://bit.ly/2Mudot6

本刊踢爆有猶太金融大鱷近年狙擊細價股股東,無本生利勁賺逾億元,就連股壇老手王文漢等人亦老貓燒鬚,未能倖免。代表王文漢處理本案的律師林炳昌推斷,可能潛在更多不願揭發事件的受害者。

林炳昌分析指,大股東將股份抵押給非持牌人士時,須按照上市條例披露這項信息,而這項公布可能會令股價大跌;那些大鱷正正是捉到股東冇披露押股的痛腳,肆無忌憚攞貨換錢獲利。

此外,林估計大部分苦主實質損失不算太「入肉」,「佢仲有間公司,譬如借3000萬,攞你25%股份,但25%嘅市值可能去到億幾,嗰班人擸晒,但佢都袋咗3000萬,可能慢慢再建立番自己嘅投資組合再增持。」若然押股借貸一事曝光,反而可能令損失更慘重,因此他們寧可啞忍或閉口不談。

要將大鱷騙子繩之於法,林承認要證明他們干犯非法借貸等罪確有難度,「咩嘢為之非法借貸呢?因為借貸喺香港係合法嘅,只係借高利貸至犯法。如果一間公司唔係以借貸做生意嘅話,係唔需要牌照嘅,如果一間公司嘅生意純粹係以借貸為主,就需要申請牌照⋯⋯朋友之間借錢邊使牌?」

林炳昌表示王文漢曾報警,惟警察以民事案方式處理,「因為表面上佢係好正常嘅借貸活動黎,係咪?你將股票押畀人,借咗筆錢,人地真係借咗錢畀你架喎。」林指王文漢惟有等待借貸合約到期,才可以取回股票。為何欠債人主動提早還錢也不可?林指皆因欠債人受合約條款約束,借款人可抱持這樣的心態:「你咪等囉,即係我都未到期,點解要畀返啲股票你哋呀?」林直言,「喺我做律師黎講,呢個係一個局。」

他指當王文漢向證券行領取月結單翻閱股票情況時,對方卻有如此反應:「對唔住嘞,啲股票無晒,因為有人俾咗指示將全部轉晒去呢一間。」結果他們如人球般在不同機構間被拋來拋去。

「我哋問佢(王文漢)簽咗乜,佢都話唔知簽咗乜。」林炳昌無奈指,「開戶書又無,乜都無,可以點?」他說曾到負責監管的證監會投訴,有關部門卻無行動。據悉王文漢打算在貸款合約限期前仍不能取回股票,就控告涉事證券公司非法貸款。

對於有網民譏笑叱咤股壇的苦主「抵死」,林炳昌同意受害股東在金融市場打滾多年,應該要更加小心,惟他強調問題在於騙徒蓄意設局,人人都可以是受害者,「受害者可以係一個身家好超越嘅人,係一個知識分子,但呢個受害人亦可以係一個無錢嘅窮人。」

撰文:財經組

攝錄:鄭樹清

相關連結:

【橋唔怕舊】超優惠5厘息誘股東 無本生利 林炳昌:去埋巴拿馬追佢都無用!(足本版)

https://bit.ly/2njbkJA

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,400 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,319 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,374 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,019 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,421 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 39,763 views