< 返回
  • 豪語錄1】七度下BB夭折 劉美娟崩潰
  •   48,510 views │ 2015年08月21日
    留言()

 

十年前,劉美娟同張祟德首個愛情結晶品出世,因為醫療失誤,仔仔出世後,不足一日就夭折。苦苦申訴九年,上年終於為仔仔取回公道,但劉美娟就話:「我哋唔係想討回公道,呢個世上已經冇公道。」

經歷喪子之痛,兩公婆堅持要打官司,但網上反應兩極,例如有人話「基督徒點解唔寬恕人」?「愈多呢啲聲音,我愈係唔想解釋,但我諗佢哋有一日會明白,點解我會行呢條路。後來,經歷咗九年聆訊,原來唔係令佢哋明白,係幫我自己明白。」

「因為祟德很保護我,好多時候重覆去落口供嘅事,他都唔俾我去,好多事我都唔知道,直到上法庭,聽到聆訊,聽到一啲專家話,事件超過一百個錯處,仲要隨便數都數到二、三十個錯,而兒科和婦科睇完影片,仲話死嘅可能係我。」

「啲人以為你自己有問題,但檢察官睇晒啲片,話佢哋係監生整死BB。當時我喊住出嚟,說係誤殺,其實我想講係謀殺,好感恩,我有保留,做人唔好去得太盡,但聽完所有證供,其實嗰刻我覺得係謀殺。」事隔十年,劉美娟今次終於可以從頭細說。

唔係唔原諒人,而係想有個交代,搵出答案,尤其當時咩都未清楚,「個女醫生好驚,喺庭上我冇講,佢殘忍到……打俾我話之後接生咗三個都冇事,咁我BB點解有事?你有冇顧我感受呢?」

劉美娟回想,當日氣溫只得攝氏7度,佢坐住輪椅去見BB,「去到見到……已經唔係我生出嚟肥肥白白嘅BB,所有喉都係血,嗰一刻我真係癲咗,知道冇架喇。祟德凌晨問我『Ready未?』我唔明,點解要ready?冇耐,我諗起BB個樣,我答好。祈禱完,二十分鐘未夠,有電話打嚟,話BB已經唔得。」
熱門新聞
  • 【壹經典●富豪孤獨生活】一個人坐17人飯桌 四叔落寞大電視撈飯(足本) 57,037 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 48,864 views
  • 【壹經典●搵北京代母】家傑家誠搶生男孫 第三代接班人暗戰(足本版) 33,691 views
  • 【200磅肥妹變索妹】9個月減70磅 示愛表白被拒決定「最甜美的報復」 28,936 views
  • 【豪住工廈】間隔似足酒店保安嚴密 楊思琦何麗全都係業主(足本版) 26,893 views
  • 【壹經典●四叔終極心願】長壽大宅長命起 轉口味分層變洋房(足本版) 22,966 views