< 返回
  • 搵長者冒寒出席 周浩鼎搞誓師大會捱轟
  •   7,113 views │ 2016年01月24日
    留言()

 

立法會新界東補選在即,就算今日(1月24日)天寒地凍,上午得嗰3、4度,都要大肆宣傳,民建聯副主席周浩鼎今日就喺北區同大埔搞咗誓師大會,仲搵埋一班長者撐場,真係聲勢浩大!

今日市區氣溫平均錄得4度左右,長者同兒童都要注意保暖,不過喺北區有老人家就熱心支持,不畏寒風坐晒係室外,望實周浩鼎。結果惹嚟各方網民抨擊,指現場有唔少長者「帶(戴)晒冷帽、捱冷支持」,「感受不到聲勢『浩』大,只感受到『麻木不仁』。」,為咗做勢,可以去到幾盡?

更有公關Facebook專頁指:「這場關公宣傳,他是先輸了一仗。」;另外周浩鼎現為東涌南區議員,有網民不滿:「東涌南d(啲)居民你唔理架啦?甘(咁)凍東涌有無開避寒中心呀?點解你作為東涌南區議員日日都係新界東誓師?」

搞誓師搞著老人家,有網民直言,民建聯呢頭唔支持全民退保,保障長者;轉個頭又「無恥到要大班長者冒嚴寒天氣參與誓師大會」,令人不齒。

其他候選人:公民黨楊岳橋、新思維黃成智、西貢區議員方國珊、報稱沒有政治聯繫的公司董事劉志成、本土民主前線梁天琦

圖片來源:周浩鼎Facebook專頁
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 39,009 views
  • 【洗米嫂堅挺Body】狂舉十公斤操到有背肌 身材砌低後生女 37,251 views
  • 【最浮誇明星之家】吳剛老婆首曝光 全家豪華裝出巡拋窒途人 34,671 views
  • 【毒海蕭正楠】大麻可卡因溝冰毒 元朗隱世村與世隔絕戒毒 33,786 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 32,406 views
  • 【地鐵捕獲】邊個外賣look上車? 發哥:乘客睇手機唔睇周潤發 29,386 views