< 返回
  • 【800日遊世界】討厭澳門沉淪賭業 80後女生出走尋自我
  •   27,481 views │ 2017年02月19日
    留言()

 

相關連結:

【800日遊世界】旅居5國7城市打工 澳門女出書講生存技能

http://bit.ly/2kUEOup

窮一生去儲錢買樓結婚,是新世代年輕人的生活寫照。日復日的工作,令生活變得沉悶乏味,為生活又是否真的冇得揀?80後澳門女生Sio,曾活在澳門黃金年代,搵錢容易卻令她失去自我,最終決意裸辭出走,遊走世界800天,找回理想的生活。

36歲的Sio是土生土長澳門人,曾在英國、加拿大留學。她以為自己會長居外地,怎料一次創作機遇,令她回到澳門的家,一留數年,「當時都無諗過要留7年,只係想留3個月,只是當時遇到不同嘅人、不同嘅事改變咗我,令我必須要向前行、留喺澳門。」

Sio指,十多年前澳門的創作工作很枯燥、很乏味,她覺得應該盡力自救,「見到一個咁挫敗、沮喪的環境,點解要咁呢?覺得無機會,點解你唔創造呢?」憑著「想改變」的信念,她回到澳門工作。

「返嚟澳門嘅7、8年,正正就是澳門最黃金的10年時間。」回澳不久,她即到永利工作,遇上經濟發達、博彩業起飛,「2012年,澳門是最好環境的,大家好容易搵錢,或者轉工就會升職、加人工。」在公司創作部做經理,每星期不用工作5天,「但已經搵到幾萬」。一切來得太易,正當大眾落力儲錢、搵真銀,Sio並不享受當下,「我覺得世界唔應該係咁」。

行業求人,錢來得更易,「喺一篇雜誌訪問中,(記者)問個學生畢業後想做甚麼,他指想做Assistant Manager,喺賭場入面做。我覺得好驚訝,剛畢業的學生有咩可能做一個管理層的位置?」更有家長希望子女早投身社會,「有屋企人會鼓勵高中生唔好考試入賭場。」

紙醉金迷的生活,令她覺得與世界其他角落很不一樣,「我每晚都睇BBC News,每一晚新聞都一樣,講中東戰亂、南美亂局、非洲貧苦、歐美經濟危機,日日如是。」回顧自己的創作工作,每日重重複複,令她覺得無意義亦無變化,「如果我再留喺澳門,出年係咁,下一年都係咁,十年後我都可能係咁,我覺得自己需要改變」。

「自己嘅環境都係變化得好大嘅7年,我返去(澳門)時係抱有好大嘅熱誠,到我32歲要離開,我係好討厭自己、討厭那個環境。」生活雖安穩,卻令Sio內心愈來愈不踏實,「我喺澳門做到的事,唔代表我在全世界都做到。」懷著很多不滿下,Sio在32歲那年,用儲下的錢買了一張單程機票再次出走,開始在世界不同的地方生活,「我在澳門搵錢愈容易,我愈無在世界生存的能力,我想返番去真實的世界生活」。

撰文:黎雅婷

攝影:葉漢華
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,893 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,945 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,644 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 42,497 views
  • 【原本住大坑】為討好外父 鄭嘉穎2400萬進駐何文田(足本版) 40,625 views
  • 【經典●黃桂芬生前】喜歡逗留書房沉思 家中掛字畫做人「常存厚」(足本版) 39,793 views