< 返回
  • 【誰是兇手】童真被謀殺 短片導演叫停兇手:生涯冇得規劃
  •   18,709 views │ 2017年03月13日
    留言()

 



趙羅尼Ronnie,33歲,現職網絡廣告導演。曾做過新聞工作,拍過《公屋 居屋 私樓》、《雨傘飯局》,今次《我的生涯規劃》借用小學生預謀殺死父母的誇張台詞,冀社會反思學生壓力爆煲問題,家長不要謀殺小孩子的童年。他回想自己小時候,老豆會幫他錄低卡通片,雖然未成為大導演,但拍網片都拍出自己一片天。

「我老豆信體罰。佢覺得自己嘅品格,係嫲嫲打出來,於是將呢套放喺我身上,少少唔順佢意,就狂打我。寫手冊,就算得一樣功課都要寫。試過冇寫但做齊功課,他都打我。愈打我就愈對抗,我專登整個學期都唔寫,企定定俾佢打,被打到成腳藤條印,打到佢驚。」

「老豆雖然好嚴,但從來唔逼我讀書,會俾我玩。我會抽閃卡,睇完卡通片先開始做功課。有時太多功課,佢仲會幫我錄低,剪埋廣告留俾我睇。玩,好重要。中五畢業,佢叫我讀埋預科,諗番轉頭我仍然覺得係浪費兩年時間,讀書真係冇得逼。最後我去讀電影,入咗IVE。父母冇反對,亦冇逼我入大學讀電影,爸爸仲好支持我拍網片。」
「話學生抗壓力低,尋死因為生涯冇規劃。人生冇得規劃,好似之前讀印刷,今日紙媒已經沒落。我讀IVE電視電影,嗰科都摺咗。學生壓力大到連聽日都唔想過,仲點敢諗將來?今次拍呢條片,想用學生荒謬嘅對白,令大家反思呢個問題。點知有人話我知係真有其事,仲已經喺五年前發生,話要殺死父母先有覺好瞓。現實荒謬到咁,究竟社會出現咩問題?係唔係淨係學生出問題?」

撰文:黎雅婷
攝影:胡智堅
熱門新聞
  • 【獨家】攬松岡李那曝光 洗米華漏夜飛英氹Mandy 89,498 views
  • 【真人發聲】黐洗米華扮愛情至上 現實松岡:我搵男朋友要好有錢 74,814 views
  • 【重溫●誠哥抗衰老】落重本發明「抗衰老衫」 仲有中藥「偉哥」保老而彌堅 56,453 views
  • 【獨家●拍拖斷正】同台灣老公離婚 黃心穎大家姐心美撻著保釣烈士細仔陳安立 55,084 views
  • 【獨家有片】李佳芯男友擒啜攬女上床:唔會同任何人交代 52,802 views
  • 【黃氏四千金】心美心穎做幕前 心妙係闊太 心慧遊世界 51,426 views