< 返回
  • 提名見人情冷暖 邊個係真朋友?
  •   19,532 views │ 2017年03月15日
    留言()

 

西環威迫利誘要選委撐奶媽,曾俊華早幾日喺選舉論壇度話︰「最近發生好多事,大家都知係咩事,嗰啲就真係白色恐怖」。其實晌呢個時候,頂得住西環壓力,義無反顧支持自己屬意嘅候選人,絕對係有情有義。

不過,呢班候選人嘅真朋友,原來真係唔多。《壹》仔睇番今次提名情況,以鬍鬚曾為例,雖然個個覺得佢親商界,但佢始終唔係商界中人,上屆選舉有三百九十人提名唐英年,但只係得番七位轉為提名曾俊華。

呢七位「勇士」,包括自由黨三大巨頭田北俊、周梁淑怡同黨主席鍾國斌;旅遊界何柏霆、沈朝生,前者係捷旅老闆,後者係南華旅行社執董,喺大陸冇咩生意;另外仲有紡織及製衣界陳通生同高教界謝永齡。

曹操都有知心友,何況係葉劉。雖然佢入閘失敗亦冇公開提名名單,但大家就知佢最少有黨友田北辰、全國人大代表兼前保安局局長李少光,同工業二選委沈運龍支持,沈運龍講過對於特首選舉,「西環有俾意見」,但佢一於少理,葉劉宣布棄選當日仲企喺佢身邊強撐。葉劉講過話今次選舉,令佢嘗盡人情冷暖,但佢其實亦都應該慶幸,佢身邊原來都有真朋友。

撰文:時事組
熱門新聞
  • 男友被爆偷食兼搞大人個肚 梁嘉琪:我已一個人上路了 40,444 views
  • 相隔15年 何嘉莉再簽英皇以KOL身份出發 34,194 views
  • 【艷尼閨密爆料】悲慘婚姻跟小三共一屋 兩女侍一夫 31,272 views
  • 【估佢唔到呀!】41歲舒淇嚴重皮膚敏感 兇手竟然係『海膽』 30,007 views
  • 【強國男迷港女】有港女唱完賣肉 老闆拔槍逼陪酒 28,534 views
  • 史前花旦扮靚準則 麥翠嫻鍾情五顏六色絲襪 25,556 views