< 返回
  • 【生意●港孩變老闆】恒管Fresh Grad唔願打工 賣豆豆鞋月賺4萬
  •   21,506 views │ 2017年03月20日
    留言()

 

常言:「女人開心買鞋,唔開心又買鞋。」但買鞋又怎只是女士專利?眼前穿著整套筆直西裝、腳踏皮鞋的何俊傑(Curtis),正正印證了男生同樣貪靚,由領帶到襪子全都有著墨的他,由專攻潮流波鞋到轉投經典皮鞋的懷抱,年僅廿二歲已儲落近四十套西裝及皮鞋。「屋企人覺得我係玩物喪志,認為我過度消費。」但正因對打扮有著莫明執著,Curtis在畢業後創立自家皮鞋品牌The Korner,更誤打誤撞開展了洋服生意。「兩邊生意加埋平均有三至四萬落袋,以Fresh Grad而言,呢個數絕對值得我堅持落去。」Curtis能在瘋狂購物的同時,保持理智度橋賺錢,玩物其實同樣能夠發圍。

定價取勝 三對等如一對波鞋

「我唔希望買野單純係消費,而係希望係消費過程中學習,得以維生或賺取收入。」Curtis坦言曾被家人批評為只善消費、不善生產的港孩,更一直尋求能逆轉他們觀感的機會。「十六歲時我會追逐日本品牌,個陣已經發現不停買其實一定唔掂,所以開始係網上放售我著夠嘅二手名牌衫,做左三年後就轉去買賣波鞋。」由買到賣,談的都是興趣,結果他去年於恆管新聞系畢業後,不顧父母望他投考海關的期望,用多年做各類買賣所得的積蓄創立自家品牌The Korner。「認識歐洲皮廠係我去旅行時,有朋友介紹我親自去睇,結果我決定係西班牙、葡萄牙等地入皮,再自己設計,係內地廠房生產。」現時The Korner設四至五款男裝皮鞋,女裝麂皮豆豆鞋(Driving Shoes)的定價為四百九十元,千二元有三對;男裝則是五百二十元一對,千三元三對。Curtis解釋:「而加熱賣嘅波鞋閒閒地都要過千一對,同樣價格賣到三對希望可以增加入手誘因,搵埋朋友夾份。」客人Karine正正買過三對豆豆鞋,她指:「呢款鞋有著過大牌子,四位數字都試過有一對。但其實The Korner著上後感覺都差不多,所以覺得抵買。」選皮歐洲而於內地製作的形式有助整體開支拉上補下,每月賣出二百對,每對毛利率約有三成。

採訪:黃綺敏
攝錄:廖健昌
熱門新聞
  • 【大開殺戒】涉追數官司 張繼聰遭TVB全面封殺 124,298 views
  • 【台慶唔戒奶】邵佩詩八字波最夠薑 陳凱琳最露骨 45,331 views
  • 【獨家】何志平美國被捕當日 胡慧中金鐘神情凝重收短信 39,853 views
  • 【繞場壹週EP12.1】見陳茵媺擘髀甩骹 周家蔚輸得心服 39,253 views
  • 愛足五十年 74歲白茵潮爆繑實老公行街 37,995 views
  • 【自由身上ViuTV變死罪】大台說拍《包青天》 陳國邦臨門被飛 35,669 views