< 返回
  • 【阿聰召喚】林鄭公關私人帳戶覆網民 被問競選專頁冇更新即disconnect
  •   3,671 views │ 2017年03月20日
    留言()

 

身為公關,當然就係要幫老闆搞好形象,否則隨時變關公災難,林鄭嘅競選團隊就係一個好例子。話說林鄭團隊公關阿姐麥黃小珍同戴健文開咗個傳媒WhatsApp 群組,懶係同記者「connect」,但晚晚都要記者追問翌日有咩公開活動,團隊就好似好不情願咁回覆一啲冇詳細時間地點嘅活動,有時甚至唔覆,搞到行家要出手相救,喺個WhatsApp群組度做埋公關嗰份,唔少行家都怨聲載道。

有行家就喺facebook「鏡頭以外」專頁,寫下「我們在跟一個怎樣處事的團隊打交道」一文,兩個鐘之後麥黃小珍就用佢私人facebook帳戶「Sandra Mak」回覆,「各位媒體朋友,如果我們什麼地方做得不到位,我代表我團隊道歉。只有7天便是競選日,我們會繼續努力,改善與各位的聯繫,謝謝!」不過由於阿姐冇放到自己張相做頭像,一度令人誤以為係「假帳戶」,網民仲建議向facebook投訴,不過有建制中人向壹仔證實該帳戶係屬於呢位阿姐嘅。

阿姐咁勇武用自己帳戶留言,網民乘機問佢點解「林鄭辦公室」專頁自三月十五日就冇再更新動態,唔通數夠票就可以disconnect?呢位公關阿姐又潛咗水囉,可能佢以為呢啲提問係白色恐怖呱。

阿姐可能知道自己得罪咗記者,星期一朝早喺傳媒whatsapp群組度轉發相同嘅道歉訊息,不過就用咗簡體字,行家就即刻問個訊息對象係俾大陸定本地傳媒,又有行家話收到訊息以為自己去咗北京。阿姐就聲稱因為手機制式問題,仲叫記者唔好咁敏感。《壹》仔開始明白,點解林鄭想請曾俊華個得力助手羅永聰過檔喇。

撰文︰時事組

【邁向28】《壹週刊》27周年全面睇
http://bit.ly/nextb28thbig


熱門新聞
  • 【公屋女富貴之路】住3000呎大屋Cammi箝實賭廳老闆 飛甩強國富二代水源充足 36,172 views
  • 【嫁入百億富豪家】31歲《宮心計》李美慧 直升機閃婚56歲富商曾文豪 34,966 views
  • 【富豪苦痛誰又知】奚秀蘭嫁入豪門辛酸 老爺曾服80粒安眠藥 33,193 views
  • 【被MissHunny奚落】Myar麥芽打贏官司重新出發 向青春說sorry! 29,125 views
  • 【夜總會打爆鼻樑】《飛虎》吳岱融喜愛爛蒲得罪黑幫 感激鍾淑慧諒解:佢冇鬧我 27,836 views
  • 【四千萬嫁妝過門 】37歲阿嬌下周做人妻 老闆楊受成再加碼750萬厚禮 27,482 views