< 返回
  • 【回帶廿年棟篤笑】人人都是KOL 政治參與靠標籤加搵衰人
  •   10,483 views │ 2017年04月17日
    留言()

 

相關連結:
【回帶廿年棟篤笑】以為九七坦克會入城最想回到八、九十年代
http://bit.ly/2oDFdWz

收窄香港自由,打壓反對聲音,歷任特首要效忠的從來不是市民,而是中央政府。港府提出廿三條立法,加上沙士後經濟蕭條,觸發O 三年五十萬人上街,成為香港公民社會的轉捩點。此後香港亦出現愈來愈多大型遊行示威活動,參與的市民都相信,每踏出一步都有機會改變社會。

「十幾年前你去參加遊行,無論係O三之後,或者一O年前後呢啲遊行示威,仲係一件事嚟,啲人都會覺得,你竟然會去,你好激喎,咁我祝你好運啦。嗰時都幾有印象,你會覺得每一次出去行,你仲有個熱情,你會呼朋引伴,你會希望會唔會可以嗌到多啲人,你會好緊張每一次喺事後,警方嘅集會人數同主辦單位人數嘅折扣率,你好緊張。」曾志豪說。

曾蔭權年代,社運也開始火紅,一場守護菜園村、包圍立法會反高鐵之役,更將社運推到高峰。不過自梁振英上場後,港人一次又一次認清中環、西環以至北京的鐵腕管治。陳嘉銘形容這世代的年輕人「遊行多過你行路」,他們在街頭睡過七十九日,甚至擲過磚頭,卻也無法令政府回心轉意聆聽民意,香港人氣餒得很可憐。

「你依家同啲o靚仔相比,首先你去遊行,就同你去睇TVB冇乜分別,嚇,乜你仲去呀? OK,都有人去,但唔會係值得炫耀,冇人覺得係巴閉,冇人覺得威,直程係可能你得到like嘅數目,仲少過你喺東京( 機場)個入閘口影張相,我覺得個轉變係好大。」自言是「左膠」及「大中華膠」的曾志豪,說起來少不免感慨。

雖然遊行示威氣氛轉變,但陳嘉銘卻觀察到吸引群眾參與政治的手法其實一樣,不外乎是「找敵人」和「標籤」,「O三年七一,葉劉俾人叫做掃把頭,我有啲掯住掯住,當然我覺得嗰啲歪嘴、笑聲、眼厲厲,係完全唔好睇,當時我都有份笑埋一份,但後尾諗返,我哋係咪應該要集中討論嗰個事件,而唔係人身攻擊嗰個人呢?但係然後嘅所有社會運動,直至到我哋啱啱嘅特首選舉,某啲支持者支持鬍鬚(曾俊華)又好,支持花生胡(胡國興)又好,你見到佢哋係會笑林太(林鄭月娥)嘅外觀某啲嘢,我覺得係有啲唔恰當。」

另外政客的政治抽水,更是猖狂,「(一二年)李旺陽事件,我哋有遊行集會,大家一齊著黑色衫。我見到有一班好熱血嘅朋友,佢哋著曬黃色嘅衫嚟,舉曬黃色、支持『皇上』參選立法會嘅旗號,咁我覺得,咦,呢啲係咪就係所謂政治抽水呢?」陳嘉銘一直希望透過論述去強化政治討論,可惜政治從來要講手段, 「呢兩件事我覺得好深刻,到今日我哋話香港有好多呢啲運動,但係咪成熟呢,我覺得絕對係唔成熟,亦都值得思考。」

撰文︰袁慧妍
攝影︰石鎬鳴、莫智謙
熱門新聞
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 174,952 views
  • 【醫生與您】心房顫動與中風 94,039 views
  • 【天皇都無面俾】Hanna 台下塞耳 劉華激氣:係得你一個唔理我㗎咋! 89,122 views
  • 【魔傭】變態!印傭教幼童塞廁紙入下體 謊稱:會發光 54,193 views
  • 【封面●同范冰冰交往?】郭文貴爆王岐山操控海航 財富20萬億 38,295 views
  • 【你當我是浮誇吧】澳門富商洪永時陪老婆放狗 保鑣靚車出齊夠排場 32,012 views