< 返回
  • 【直認雙喜臨門】新婚首見傳媒 城城:『囍』字係兩個喜
  •   24,780 views │ 2017年04月21日
    留言()

 

今個月18號先至結婚嘅郭富城,話咁快今日就復工喇!佢啱啱出席LV嘅「時空.錦.囊」展覽第一輪,著住格仔啡色西裝嘅城城8點到達會場,好跳脫咁跳跳下扭下身行去Backdrop前影相,風騷到爆。現場幾十個傳媒恭喜佢同方媛,搞到城城轉晒身咁指住大家,新婚嘅佢果然係特別風騷。

平時唔講感情事嘅城城,好大方咁同大家分享佢嘅喜悅,佢話舊年聖誕節已經訂咗婚,因為屋企人想低調,所以低調進行。對於係咪雙喜臨門,城城笑住話﹕「雙喜臨門就一定啦!『囍』字係兩個喜,我會努力喇,有好消息會同大家講。喺係適當時候會同大家分享,一直講人生大事,媽媽都想有生之年可以抱到孫,希望上天畀到呢份禮物我啦。」講到咁白,大家明啦,真係恭喜晒你呀城城。

至於話寬姐(邱瓈寬)嬲咗佢,城城就話:「平時佢最鍾意踢住拖鞋,佢都係開玩笑,佢話「下次結婚請佢」,係咪一個好大嘅玩笑?我知佢係咩人,心裡面當佢係朋友,好多敬重嘅人未必喺晚宴度出現,佢好有心,打咗畀小美祝福我!」

講完老婆方媛同寬姐後,城城將話題轉移番工作上,佢話:「好忙呀,拍完《西遊記》,呢幾日要拍新廣告及出席其他活動,月底同發哥(周潤發)開新戲《無雙》,拍2至3個月,香港及外地拍,希望拍完會有3、4日假畀我抖吓!小美話咁唔駛3、4日,一個禮拜都得喎!身邊家人好體諒我嘅工作,我會搵本簿仔寫低,之後再彌補,因為真係好感恩。」城城講嘅家人,好明顯係講緊老婆方媛啦!
熱門新聞
  • 【醫生與您】逆轉針劑 55,563 views
  • 【獨家有片】吳佩慈過土豪式生日 白松露當雪花兜頭撒 48,956 views
  • 【Bitcoin狂潮】90後美女辭職瞓身做「礦工」 齋開電腦月入數千 48,286 views
  • 一絲不掛出書爆大鑊 袁嘉敏堅係唔撈娛圈做OL? 45,402 views
  • 【忽然1周】學朱麗倩、劉愷威揀超級playgroup 41,103 views
  • 【獨家有片】為男友紀曉波誕兩仔一女 吳佩慈母憑子貴成億萬富婆 40,859 views