< 返回
  • 【女主角証實】內容涉非禮沒同理心 TVB禁播公益金宣傳片一日下架
  •   32,309 views │ 2017年05月10日
    留言()

 

【新增影片】

今個月20日將會播出一年一度的《萬眾同心公益金》,大台昨日播出宣傳片,片段先見到有女仔坐在路邊一旁低頭啜泣,角色由張振朗女友陳芷尤扮演。未幾有位男士經過,個名男士見到之後就停下腳步思索是否需要伸出援手,此角色則由16年香港先生麥凱程。

之後第一個畫面見到陳芷尤樂於接受麥凱程的援手,但陳芷尤就偷了麥凱程的銀包。鏡頭一轉,麥凱程又出現另一個想像畫面,麥凱程扶起陳芷尤,可惜陳芷尤大叫︰非禮,嚇到麥凱程跪地求饒,之後麥凱程最後都係伸出援手,最後陳芷尤更說:多謝你。旁白更謂幫人唔好諗咁多,之後提到節目播放時間。

片段內容其實頗反應到現實情況,加上之前亦有不少人因為出於好心竟反遭人指責,事情屢見不鮮。不過,呢段宣傳片只係播出一日左右,就有傳禁播消息,有消息指公益金總理不滿宣傳片內容,加上發生九龍灣姦劫案,內容又是涉及偷嘢以及非禮,怕此片段遭人指責有抽水之嫌。

《壹》仔就宣傳片禁播一事,向TVB外事部查詢,他們就回覆話唔多清楚,不回應。至於有份拍攝的陳芷尤回應指從工作人員口中得知片段禁播,被問到是否片段內容跟九龍灣姦劫案一事有關,陳芷尤表示不太清楚禁播原因,她話︰「導演都好期待出街,出咗街佢都有send俾我睇,後尾佢又話: 哎呀! 好可惜出得一日就拎咗落嚟,我知導演都好唔開心。我問佢咩事,佢就話第二日先講,佢都冇同我講咩事。」同時又透露本身宣傳片還有一個網上版本,但亦都同時被禁止播出。
陳芷尤在Fb上載了與麥凱程拍攝時的花絮
麥凱程猶疑幫陳芷尤手(電視畫面截屏)
陳芷尤將麥凱程銀包偷走(電視畫面截屏)
麥凱程扶起陳芷尤(電視畫面截屏)
陳芷尤一手推開麥凱程(電視畫面截屏)
陳芷尤立即大叫︰非禮(電視畫面截屏)
麥凱程即連忙否認(電視畫面截屏)
到最後麥凱程仍堅持扶起陳芷尤,陳芷尤微笑道謝(電視畫面截屏)
熱門新聞
  • 【大開殺戒】涉追數官司 張繼聰遭TVB全面封殺 112,600 views
  • 李明蔚經歷42次電療化療 馬浚偉助出碟圓心願 50,110 views
  • 【台慶唔戒奶】邵佩詩八字波最夠薑 陳凱琳最露骨 44,807 views
  • 【繞場壹週EP12.1】見陳茵媺擘髀甩骹 周家蔚輸得心服 38,872 views
  • 【獨家】何志平美國被捕當日 胡慧中金鐘神情凝重收短信 38,387 views
  • 愛足五十年 74歲白茵潮爆繑實老公行街 36,871 views