< 返回
  • 【半單親爸爸】太太產後腦中風致全癱 鐵漢硬撐8年守護摯愛妻女
  •   66,593 views │ 2017年06月19日
    留言()

 

「如果我有咩事,你要好好照顧BB。」短短的一句,是太太阿蚊留下的最後一句說話。八年前,阿蚊誕下女兒諾霖,正當阿蚊丈夫Anthony、以為踏上幸福之路時,然而天意弄人,阿蚊懷疑產後腦中風,導致全身癱瘓;幸福於瞬間流走,身為爸爸及丈夫的Anthony未言放棄,用盡心血守護畢生最愛的兩個女人,「即使阿女得番『公仔媽媽』都好,我想佢有個媽媽可以攬。」

「由阿蚊出事那刻起,我都冇諗過放棄佢。」Anthony和阿蚊的愛情結晶品諾霖,轉眼間已經八歲,回想起太太出事前的點滴,Anthony仍然禁不住落淚;他指阿蚊懷孕至待產都冇太大不適,卻在生產時懷疑腦中風,「她有話我們知頭很痛,但當時我們沒有太為意,以為只是生BB時會痛。」眾人的注意力落在初生BB上,亦令Anthony分心,「出世時BB冇喊、一出世就有兩隻牙仔,冇為意,以為好快冇事」。

直到母女出院前,醫生指阿蚊腦內有氣泡穿了,要做止血手術,「當時止了就可以。不覺得做腦手術是嚴重的,唔覺係好大問題。」在進行了第一次開腦手術後,情況不似預期般簡單,「佢好快醒了,但好反常,說話同思維感覺好似小朋友,自己同自己玩。」後來再發現太太缺血性中風,半邊身癱瘓,要再次接受手術,「好難受,好似(醫院)每一次打電話來,阿蚊身上就多一層傷,插多咗一條喉」。

Anthony知道自己不可以倒下,既要努力工作,又要到醫院照顧太太,回家要照顧女兒,身心俱疲。他最怕接到醫院來電,指太太情況再轉差。意外難以避免,但Anthony仍然自責,「如果當初堅持在浸會開刀,未必會咁樣。」猶幸經過數次大手術後,阿蚊情況轉穩定,Anthony決定將屋企太改裝,把太太接回家,一家三口展開新生活。

撰文:黎雅婷

攝影:林金展

相關連結:
【半單親爸爸】好老公接癱瘓妻返家 一家三口憑感覺溝通重拾笑容
http://bit.ly/2sgDOXD
熱門新聞
  • 【醫生與您】逆轉針劑 55,476 views
  • 【獨家有片】吳佩慈過土豪式生日 白松露當雪花兜頭撒 48,856 views
  • 【Bitcoin狂潮】90後美女辭職瞓身做「礦工」 齋開電腦月入數千 48,197 views
  • 一絲不掛出書爆大鑊 袁嘉敏堅係唔撈娛圈做OL? 44,788 views
  • 【忽然1周】學朱麗倩、劉愷威揀超級playgroup 40,965 views
  • 【獨家有片】為男友紀曉波誕兩仔一女 吳佩慈母憑子貴成億萬富婆 40,793 views