< 返回
  • 【青雲路】學做司儀練好表達能力
  •   2,528 views │ 2017年07月16日
    留言()

 

無論大小活動,總會看到司儀的身影,有人覺得司儀只是「靠把口」便有錢賺。其實要做一名司儀,當中大有學問,有興趣人士可以報讀坊間的司儀培訓課程,鍛煉說話技巧及臨場應變能力。即使不是一心想當司儀,練好自己的表達能力,亦有助打工仔在開會或公司活動中有更好的表現,在職場上突圍而出。

用司儀訓練班由有20年出show經驗的Amanda親自任教,她表示課程宗旨是令學員增強表達能力及掌握基本的司儀技巧,除了出show外,上班一族也適用於工作上。「課堂80%以實習方式進行,喺介紹司儀嘅工作及需要嘅能力後,我會同大家分享自己擔任司儀嘅經驗,例如情緒控制、肢體語言、儀態、聲線及危機處理等,然後將學員分組,我會畀講稿及唔同活動,學員跟住做模擬練習,從中再糾正做得唔好嘅地方,令佢哋更易明白。」

司儀代表的是主辦單位,Amanda表示司儀需要注意衣着談吐,「司儀衣着主要以大方得體為主,唔好太暴露及浮誇。說話用詞上亦要注意,例如嘉賓上完台後,好多人會講:『請落台坐低。』如果對住主席或身居要職嘅人士咁講唔係太好,我會教講:『請到台下就座。』喺堂上,我會教學員唔同嘅談吐用字。」

除了表達技巧外,Amanda認為司儀還需要舞台知識及危機處理能力,「司儀需要有舞台觀念,例如邀請多名嘉賓上台玩遊戲或傾偈時,要記得令大家面向觀眾,類似扇形排開,唔好圍成一個圈或者背對觀眾。另外,司儀要有面對突發事件嘅心理準備,好似嘉賓遲到或講錯嘢,你要諗點圓場,可以事先了解多啲活
動資料,可以有啲嘢講拖延時間。」

課程最後會有考試,Amanda表示學員要模擬主持一場活動,過關才算真正畢業。「我哋有成立義工司儀團,為社區慈善活動服務,讀完課程後,有興趣入行做司儀嘅學員可以申請加入,畀佢哋累積經驗。當中表現良好嘅學員,我會轉介司儀工作畀佢哋,初入行接小型商場show、兒童活動等,收費每場約$500至$2,000。」

課程:實用司儀訓練班
機構: Unlimited Power Production
And Training Limited
對象:有興趣人士
學費:$3,550
堂數:4堂,共12小時,加3小時考試。
內容︰ 司儀工作介紹、司儀肢體語言及儀態、情緒控制、危機處理及臨場應變技巧、一般節目程序及注意事項、司儀稿演說練習等。
查詢:3423 4601

 
課程以實習形式進行,學員要拿着講稿模擬出show時對着觀眾說話,導師可即時指正錯處。
除談吐用字外,Amanda認為做司儀的姿勢也好重要,故她會教學員挺胸收腹,站立都要端莊。
Amanda有20年出show經驗,如圖中出席Canon發佈會當司儀。(圖片由被訪者提供)
導師Amanda說:「司儀係一個需要練習及累積經驗嘅工作,我會叫學員平時至少讀15分鐘文章,令口齒流暢啲,同時訓練閱讀速度;嚟報讀嘅學員大部分係在職人士,佢哋有啲想入行做司儀,有啲係將要客串主持公司活動或朋友嘅婚宴,嚟鍛煉表達能力。」
學員阿昌表示:「我之前做物流, 平時有喺朋友婚禮客串做MC,自己幾鍾意台上嘅感覺,於是想學更多有關司儀嘅知識,好似站姿、開聲、語句停頓換氣位等,要做司儀原來好多嘢需要學。」
學員Winita表示:「有好朋友搵我做佢嘅婚禮主持,我想做得好好睇睇,於是嚟讀課程學做司儀技巧。我學到控制情緒嘅方法,令我對住好多人都唔會怯場,之後仲大膽自薦做公司活動嘅司儀,得到上司嘅讚賞。」
熱門新聞
  • 【醫生與您】心房顫動與中風 87,048 views
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 68,855 views
  • 【天皇都無面俾】Hanna 台下塞耳 劉華激氣:係得你一個唔理我㗎咋! 50,377 views
  • 【第一次見】劉華受傷後仍親自抱女 一家三口齊齊整整同fans過56歲生日 35,054 views
  • 【生意●劏場女超人】師奶連租北角死場14舖 自製百貨街谷返人流 34,119 views
  • 【生意●業主力撐】萬五蚊已租起14間舖 水樽榨汁機賣5千部 32,695 views