< 返回
  • 【八卦陣●跨境行私刑】香港成中共權鬥戰場?程翔:回歸第一日起已經係
  •   7,003 views │ 2017年08月15日
    留言()

 

民主黨成員林子健上星期四懷疑被強力部門擄走,大脾仲被人用釘書機釘咗十個十字架。雖然林子健星期日喺Facebook live表示「以後會收聲」,但疑似強力部門落重手背後嘅動機,仍然留低唔少疑團。

仁哥喺記者會又講過,今次事件唔太似北京正式做法,擔心大陸混亂同複雜嘅政治情況,令權鬥伸展到香港,導致香港成為磨心。林和立就認為呢個機會唔大,因為香港政局已經穩定落嚟,林鄭亦已經得到北京授權推行強硬路線。

【八卦陣●跨境行私刑】林子健被擄 評論員:習總鞏固權力手段
http://bit.ly/2uBTgjT

程翔就指出,香港由回歸第一日開始,已經好不幸地成為中共黨內權鬥嘅延伸點,因為香港被納入中國嘅政治版圖之後,一定受中共內部權鬥影響,例如每一屆特首人選由邊個決定,本身就係權力鬥爭嘅焦點。

不過有一件事兩人都幾肯定,就係林鄭唔會回應事件。林和立話林鄭講過香港人唔好搞大陸事,相信佢已經劉曉波或者劉霞定義為大陸事務,所以絕對唔會掂。程翔就認為林鄭唔敢對佢嘅權力來源表示強硬態度,加埋佢性格懦弱,唔會向北京講句強硬啲嘅說話。

撰文:巫不言
程翔話政府同保皇黨議員都話林子健事件係苦肉計,唔肯去正視問題。「呢樣嘢唔係第一次發生,李波發生過,肖建華發生過,今次唔止嚟香港執法,仲係嚟香港行刑!」
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 71,965 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 51,606 views
  • 【藏獒神話不再?】神犬大陸流落街頭 香港不乏愛獒名人(足本版) 48,405 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,493 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 38,022 views
  • 【壹經典●搵北京代母】家傑家誠搶生男孫 第三代接班人暗戰(足本版) 35,483 views