< 返回
  • 【無腰骨】陳展鵬反口唔認戀情 單文柔單拖high tea顯寂寞
  •   37,616 views │ 2017年08月21日
    留言()

 

陳展鵬處理感情問題,就好似上個世紀、舊年代嘅藝人咁,打死都唔認,就算日前一反常態,接受雜誌訪問時肯暢談戀情,但今日又話同單文柔了解、相處中,到正式拍拖就會通知大家。嘩!咁都得,俾面就話佢善變,唔俾面就真係無膊頭無腰骨呀!難怪平日無嘢做都唔約單文柔拍下拖,情願我有我打golf,佢有佢shopping啦。

無論係山頂短聚被踢爆,定係買傢俬同居被撞破,煎pang一律否認戀情,問多兩問甚至會黑面添。就算同單文柔同場出席活動,佢更加試過極速鬆人。上個月出席Amazing Summer記者會,煎pang都係喺半推半就之下,勉強同女友合照。風度?食得架?煎pang最驚就係公開戀情影響事業呀,話晒仲有唔少fans接受唔到偶像嘅另一半係包包面單文柔,甚至語言攻擊女方添。


做視帝女人甚艱難 單文柔被網民鬧爆
http://bit.ly/2vh1klG


不過日前煎pang接受訪問時罕有談及戀情,除咗透露感情穩定,仲話之前對戀事嘅一切舉動,都係出於保護女朋友。聽佢咁講又好似幾為女友著想喎,點知一個屈尾十,今日出活動又否認對方女友身份。煎pang,你係得嘅,仲可以若無其事咁,得閒就打下golf開心下添。唔怪得早前見到單文柔一丁友行街high tea,總係有種孤苦伶仃嘅感覺啦。講真,男友成日唔承認自己,再好味嘅cake,無愛人分享都會變雞肋啦。況且拍拖拍到只可以喺屋企交流,好似做咗虧心事咁唔俾得人知,唔sad就奇喇!你睇下佢背影,幾可憐幾寂寞。
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 71,965 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 51,606 views
  • 【藏獒神話不再?】神犬大陸流落街頭 香港不乏愛獒名人(足本版) 48,405 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,493 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 38,022 views
  • 【壹經典●搵北京代母】家傑家誠搶生男孫 第三代接班人暗戰(足本版) 35,483 views