< 返回
  • 【封面●身不由己】高峰逾百個倉 新指引下最少執四成 「我點都要面對」
  •   25,507 views │ 2017年08月23日
    留言()

 

創業家需要的是guts,但此刻的他不願再衝,四十三歲的他說,「即使你話俾我知,有盤生意賺梗,我都唔會瞓身做。」整個訪問,他說得最多的一句說是:「我唔會咁aggressive㗎喇。」以往順風順水時,來自銀行、政府頒予他的創業獎不少。以為得到肯定,大火後銀行指迷你倉是高危行業,政府部門巡查,指部分迷你倉所屬工廈地契用途只是工業,不可做倉,「無事時就獲獎,出事就話違契,點解唔喺我初創時話我知咁做原來係唔啱呢?」

他想過全身而退,不再做迷你倉生意,「賣晒所有物業,然後返加拿大好了。」過去市道低迷,買下約四十個工廈,市值四億多元,亦已經升值。他坦然,純粹站在賺錢角度的話,把部分物業套現,向銀行借錢買企業債賺得更多。「邊度跌倒,唔一定要喺嗰度企番起身。」錢以外,他覺得要負責任,「消防無規管時,你就係咁開;依家消防要有新指引,可能令我賺少好多,就唔做?我唔可以咁樣一走了之。」他指,現時劏房當道,迷你倉的需求很大,「我覺得我哋係有一個社會責任囉。」

獨家專訪時昌老闆 自爆變過街老鼠:想過跳樓
http://bit.ly/2in9CaH

靠屎橋上位 曾自信爆棚 遇慘痛教訓「我怯了」
http://bit.ly/2inC1Nw

匿元朗靠朋友「接濟」靠行路悟出道理:俾次機會
http://bit.ly/2vUKRYb

決定留守,注定難搞。大火之後,消防處正研究新的消防指引,每五百呎的走廊要有二點四米闊,天花離儲存格頂部最少要一米,窗要佔迷你倉總樓面面積6.25%以上,意味一個工廈「劏」出的迷你倉數目將大幅減少。時景恒承認基於此規定之下,不單止要投資更多錢去重建迷你倉,而新倉的毛利亦會大幅減少,「我要計吓數,但點都要做番幾個合新規定嘅,賠番俾香港市民,或者當帶頭作用,希望其他行家跟我。」時昌從過去百多個倉,已結束近兩成;預料將要結束四成生意,而在日後落實新的消防指引後,估計其他倉亦需大執、重整。

他分散投資,把部分迷你倉改裝做可移動的locker,模式像「探監般」,客人事先預約,員工才把屬於該客人的倉推出來門口,每次最多八個客,大大減低倉內的人流,及隨之而來的消防危機。他亦決定走出工廈,投資機票格價網。

採訪:梁佩均

攝錄:林金展
重溫:
靠屎橋由1萬變億萬 時昌迷你倉王國
http://bit.ly/2xnJwqr
時昌靠數據起底 Mac機客折頭唔會多
http://bit.ly/2v1SFZ1
熱門新聞
  • 【大開殺戒】涉追數官司 張繼聰遭TVB全面封殺 146,627 views
  • 【前世情人嗲到暈】 沈嘉偉同倒模邱淑貞淺水灣拍拖 57,160 views
  • 【試晒造型影埋年曆】陳國邦損失慘重 請假推jobs後被方丈翹起 44,254 views
  • 【自由身上ViuTV變死罪】大台說拍《包青天》 陳國邦臨門被飛 43,128 views
  • 【獨家】何志平美國被捕當日 胡慧中金鐘神情凝重收短信 42,826 views
  • 愛足五十年 74歲白茵潮爆繑實老公行街 40,247 views