< 返回
  • 【八卦陣】城大民主牆初體驗 李梓敬:貼違憲標語者會被捉?
  •   9,212 views │ 2017年09月11日
    留言()

 

大專民主牆「港獨」同「反港獨」標語大戰,由中大燒到其他院校,最近連自由黨李梓敬都參戰,上星期五喺城大貼「香港是中國的一部份」標語。佢跟足規矩喺標語度寫上姓名、張貼日期同學生編號,仲貼到民主牆最底嘅部份,話唔遮住人哋嘅嘢喎。

唔少網友都疑惑,點解李梓敬可以喺民主牆貼標語,甚至有人質疑佢個學生編號係假嘅,其實佢開學冇耐,九月起喺城大讀法律博士(JD)課程。佢話今次係佢第一次喺民主牆貼標語,之前見到有城大學生聲援中大學生會,港漂嘅標語就純粹遮住其他人嘅標語,「當時嘅感覺就係話,點解人哋可以講佢嗰啲嘢,但如果你覺得唔啱嘅話,我哋不如講我哋自己講嘅嘢。」

李梓敬喺FB live話民主牆應該容納到唔同聲音,「唔係話你學生會就大晒」,《壹》仔就問下佢覺得學生會點大晒法,佢就講返有大陸學生撕走中大民主牆嘅港獨標語,俾學生會成員阻止,第二日再有人貼標語上去,另有人話唔可以貼喺其標語上面,質疑準則喺邊。《壹》仔覺得,準則都係唔被隨便撕走或者遮住啫。

佢又投訴自己嘅標語星期六已經被撕走,而部分新貼上去嘅標語冇寫學生編號、張貼日期等,話如果貼標語嘅人公民抗命、唔怕違憲,應該提供返呢啲資料,有人捉佢哋就捉咁話。不過憲制文件只係用嚟約束政府,一般市民講嘅嘢抵觸《基本法》,又會有咩法律後果?唔知佢老師梁美芬有冇「答案」呢?

撰文:巫不言
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 71,965 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 51,606 views
  • 【藏獒神話不再?】神犬大陸流落街頭 香港不乏愛獒名人(足本版) 48,405 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,493 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 38,022 views
  • 【壹經典●搵北京代母】家傑家誠搶生男孫 第三代接班人暗戰(足本版) 35,483 views