< 返回
  • 【中環任我行】中資證券行的質素唔夠本地好(渾水)
  •   2,525 views │ 2017年09月11日
    留言()

 

香港太多中資證券行搶客,不少都以割價方式搶市佔率,個人覺得佣金固然重要,但如果證券公司本身有資源,除了搞吸客和marketing之外,更要做好internal control。就以某家中資證券為例,我覺得中資的管理、服務水平真係唔夠本地好。

一、一般證券行都會出日結單、月結單,但format尚算統一,買幾多、沽幾多、有幾多現金等資料的呈現方式大同小異,大概這是香港行內約定俗成的。不過,中資有自己的presentation方式,初初會睇唔慣,不過這不是問題。

大問題是,大部分證券行每個月頭都會自動出月結單給客戶,但這間中資行非常神奇,如果每個月第一日撞正假期,個系統會自動放假,唔識寄單比客戶。例如五一勞動節、七一回歸、十一國慶,一撞上這些假期,月結單就寄不來,我只好打電話去求助,我也有反映過呢個問題,但一律無改善過。

二、繼續係月結單問題,呢間中資證券行無啦啦學人玩密碼加密,例如身份證後4個數字加電話頭3個數字之類,電話加密是ok的,初初無問題,但近月又失靈了。

又係好自然要打電話去問,佢地叫我試另一組密碼,還直接把密碼講了出來了。世界一流的金融機構保密功夫做得很好,例如我問銀行職員戶口事宜,他不會直接要我的客戶密碼,而且更會提醒不要亂把密碼輸入,通常密碼是直達系統,職員都不會知道的。不過,這位中資員工居然講了我個密碼出來,這是哪門子的保安?

更重要是密碼是電話和身份證的combintaion跟指示的要求不同,我聽完他講個密碼出來,我說:「下,我身份證不是這幾個數字喎?點解好地地幾個月前開到,然後又無啦啦轉了一組新數字?」職員答唔到,叫佢改善又話無權限,我真係吹到脹晒。

寫完呢篇文,我覺得自己好有雲海feel,因為炒股票維生的人,著緊這些細節也是合理吧。
熱門新聞
  • 【拍拖兩個月】52歲韋家雄閃娶銀行之花:個仔戥我開心 64,344 views
  • 【獨家】全城最期待情侶狗年再合體 古仔宣萱:我哋有十年冇聯絡 58,517 views
  • 【新郎不是我】簡慕華宣佈喜事 戚其義苦兮兮搵女陪 45,953 views
  • 【封面●九巴奪命車禍】揭無第三者保險 九巴亡命人禍 44,536 views
  • 【快問快答●必睇】同宣萱互窒笑唔停 古仔:你講到我好似係你條仔咁! 41,740 views
  • 【九巴奪命車禍】重傷患者開腦清瘀血 家屬怒轟:呢個肯定係人禍 35,465 views