< 返回
  • 【港鐵涉抄襲】強行徵用概念 Pokeguide創辦人:咁大間公司話抄就抄
  •   7,783 views │ 2017年09月14日
    留言()

 

港鐵近日大肆宣傳自家app的兩項新功能:「快捷出站」和「站內搜尋」,竟被網民踢爆涉嫌抄襲早在2015年已開發及研究以上功能的Pokeguide app。

Pokeguide app創辦人之一Brian接受電話訪問時指出,「上年我哋仲有同地鐵高層開三四次會,完全冇諗過佢哋會出返一模一樣嘅功能。」Brian表示相當氣憤和無奈,「原來,一間咁大嘅公司係可以將人地嘅idea話抄就抄,抄完唔洗通知對方就當咗係自己野。」他續指「快捷出站」功能,其實從來並不是專利,亦不是好科技。 問題在於,他們曾和地鐵高層開會,會上他們有提出過願意開放車卡車門答案的數據和資訊給地鐵,而地鐵只需在答案頁面提及Pokeguide(Credit)就可,「唔明點解港鐵仲要花費千萬做返個一模一樣嘅功能?」


而港鐵app的金鐘站「站內搜尋」功能,正是Pokeguide上年在會內提出的概念。他們當日即席講解如何可以用信標(beacon)做法方便同引導乘客,他們當時更以香港大學站作為例子,指出只要成條通道裝上信標,感應到乘客由閘機往月台方向行走,就會收到通知,如列車班次延誤等,如果由月台向出口方向行,亦可以提供出口附近的地區新聞或者店舖優惠。Pokeguide提出可以拉攏其他研發信標的初創公司,一起合作成就這件事,而港鐵最後的結論只是:「個概念好好,我哋會返去同其他唔同部門同事研究吓先。」

經過多次會議後,港鐵就沒有再和Pokeguide團隊有任何書信往來,直到上星期港鐵大肆宣傳,他們才知道自己的概念被「無通知下徵用咗」。Brian反問一句,「點解香港個個都支持創科,支持建造智慧城市嘅時候,港鐵唔係俾多啲機會同startup合作,而要額外花一大筆錢,偷完人idea再自己攞哂嚟做?我真係睇唔透。」

網民群情洶湧,港鐵客戶體驗拓展總經理Annie數小時前,在港鐵官方Facebook作出回應,承認過去有與不同單位談過,包括Pokeguide和其他startup,打算在不同的範疇研究有沒有合作空間,「喺衡量過不同方法嘅利弊之後,包括資料準確性同發展方向等等,最後我哋決定喺我哋自己嘅MTR Mobile加入快捷出站功能,方便乘客。」


採訪:非從
熱門新聞
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 191,375 views
  • 【醫生與您】心房顫動與中風 96,679 views
  • 【天皇都無面俾】Hanna 台下塞耳 劉華激氣:係得你一個唔理我㗎咋! 93,432 views
  • 【死囚自白】十八歲殺人 釋囚更生想做牧師 72,986 views
  • 【魔傭】變態!印傭教幼童塞廁紙入下體 謊稱:會發光 60,258 views
  • 【死囚自白】女友苦等八年無果被迫分手 黑幫殺人犯:好戇居! 51,503 views