< 返回
  • 【唔搞摩天輪得唔得】中環新海濱平民冇份 歷史書作者批倒退到戰前
  •   7,378 views │ 2017年09月15日
    留言()

 

現在講起中環海濱,除了中環摩天輪亂局,大家大概會想起每年年尾舉行的嘉年華或其他大型展銷活動,總之要洗錢先有得玩。《上半山.下中環》、《港島海岸線》作者余震宇認為,這種管理海濱空間的手法對比回歸前,其實是一種倒退:「我地每日行過條天橋,望住塊地生哂野草,完全唔覺得塊地係我地可以用。呢個係一個荒謬。

隨著最後一期中區填海於2008年底完成,形成了中環的「最終海岸線」,在完成各項基礎建設前,出現一大片臨海空地。12年,林鄭月娥退任發展局局長前最後一刻,為新海濱的臨時用途,定性為現時的摩天輪及大型活動空間,最終以短期租約形式分別租予兩個營辦商。兩個用途已確認最少會延續至2020年。

看似高明地利用閒置土地滋生利益,實際上是把維港海旁變成商家和有錢人專享的地方:「活動空間有鐵絲網圍住,唔係主辦單位,你租唔到個場,平時又唔可以入去。嗰時黎明開演唱會,有錢咪喺入面睇演唱會。冇錢,咁咪喺天橋,喺核心外圍聽。」

時光倒流,原來這種階級分隔亦曾在中環出現。戰前,最高法院(現終審法院)旁邊的皇后像廣場仍有女王銅像,位於當時新填海得來的土地,是皇室、政要出入的地方,閱兵、慶祝典禮都在這個廣場舉行,是無上權力的象徵:「皇后像廣場係唔比人隨便入去玩,一入去係要罰錢。20年代時,就算細路仔入去玩下波,都係要拉、要罰錢。」

日治時期,象徵英國管治權力的皇后像被搬走,「戰後規劃既時候,英政府覺得唔可以再用權力壓迫香港人,就將銅像搬左去維園。」皇后像廣場無「皇后」看守,慢慢變成大眾可享用的地方,假日甚至變成外傭聚集的地方。

而戰後填海而來的愛丁堡廣場和大會堂,亦打破了沿海一直是商業用地的慣例,不再只局限於商業或政府用途。在愛丁堡廣場,會有人打網球、拍婚紗照;大會堂更是一個文化重鎮,香港首間公共圖書館和美術館曾設立於此,第一屆香港藝術節、香港國際電影節也是在大會堂揭幕。

五十年代開始建設的第二代香港大會堂,更是港英時期讓市民參與海濱規劃的傑出例子:「由大會堂撥地搬邊度,入面要有圖書館、藝術館、劇院,全部都係民間傾返黎。有個「大會堂委員會」,由社會賢達牽頭,下面有好多團體。嗰時好多意見都收集到,政府又從善如流。」對比07年,政府無視民間強烈反對,強拆大會堂旁邊的皇后碼頭,又是一大倒退:「今日嗰啲所謂諮詢委員會係欽點架嘛,傾向政府嗰面。而家諮詢係你講完,但唔一定根據你意見去做修改。」

摩天輪後面的3號用地最快於明年推出市場,將由私人發展商興建五幢包括十五萬平方米寫字樓和商場的大廈,同時亦會有二萬五千平方米的公眾休憩空間。余震宇認為,理想的海濱空間不應該商業化,要讓「市民自由發揮」:「其實香港人對海濱用地係非常迫切,舉例觀塘海濱,好多人,添馬公園都好多人。香港人好需要呢啲空間。」由地產商發展和管理的海濱空間到底會怎樣?相信幾年後會有答案。

撰文:鄭靖而 關冠麒

攝錄:葉漢華

【封面 挾輪傾約有前科】追蹤九倉女婿動作 摩天輪變第一口釘 千億新維港爭奪戰序幕

http://bit.ly/2wWpFQ8

【封面 黑箱批輪】摩天輪新營辦商疑未滿十二個月經驗 發展局拒提供資料

http://bit.ly/2f1Gghd

【封面 由皇后碼頭開始】一手規劃千億海濱大計 林鄭搞出摩天輪蘇州屎

http://bit.ly/2wWe1F3

【封面 摩天輪背後】千億地皮當戰利品 中資勢搶永久海岸線取代英資

http://bit.ly/2wXefNH
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 78,286 views
  • 【輪唔到公屋之慘】低收入只好住廉價劏房 瞓覺爬上凌空床(足本版) 60,140 views
  • 【揸四千萬樓嗌唔掂】森美賣樓幫仔女俾首期 自己移居泰國:香港樓價太貴(足本版) 56,562 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 49,730 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 47,787 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 47,450 views