< 返回
  • 【親述槍擊走避經過】六小時逃難 古巨基:同太太匿喺賭枱底
  •   12,619 views │ 2017年10月03日
    留言()

 

昨日古巨基身在拉斯美國拉斯維加斯(Las Vegas)經歷槍擊案,至今造成至少超過50人死及500人傷,槍手最後在酒店吞槍自殺。而槍擊案發生時,基仔同太太Lorraine正身處事發酒店的附近,基仔今早在社交網報平安,基仔寫了一些感受,感謝當時各方幫助過他們的人,「經歷六個小時,清晨五時多才能回到酒店,才真正感到完全安全。昨晚,衷心感激Jenthew、Jason和協助我們最終安全回到酒店的幾位人員。要感謝在後樓梯惶恐中仍答應把我們帶上樓層的韓國一家人。感謝給我們水和毛巾的員工。感謝在我們藏身的樓層願意借我們手機充電器和給我們被鋪的外國人John和他太太。願死者安息,傷者早日痊癒。願不要再有暴力事件。」

另外基仔亦接受了陳志雲的電台節目長途電話訪問,基仔說:「我喺美國時間噚日下晝五點到拉斯維加斯,下晝嘅時候係正常。事發嗰陣突然好混亂,好多人衝晒入嚟酒店,淨係聽到大家喺度嗌、喺度叫有shooting,總之好混亂,然之後我哋四個人匿咗喺一個賭枱下面囉,當時好慌亂,唔知道喺邊度發生事,同埋見到啲人走避,好驚以為係我哋當時處身嘅酒店發生事,因為覺得匿喺枱底都係好唔安全,都係跟住大家走避,我哋匿喺酒店後樓梯,當時依然係好緊張,啲電梯封鎖晒,後來啲電梯開番,有酒店工作人員帶番個韓國家庭上房,因為佢哋係住喺Bellagio,我哋問佢哋可唔可以上嗰個酒店樓層,因為喺後樓梯都好唔安全,首先要多謝嗰個韓國家庭,佢畀我哋跟埋佢哋上去住嗰個樓層,但我哋上到嗰個樓層,只能喺個走廊度,叫做相對安全嘅地方喺度等睇下乜嘢情況。」

由於基仔在走廊過了一段長時間,他們又要用手機向朋友同家人報平安,手機又開始冇電,好彩遇到好心外籍人,「佢哋有問我哋有咩幫我哋,知我哋手機冇電,攞咗啲充電器畀我哋,又攞咗房裏面一啲被鋪畀我哋,當時感受好深好大,要多謝佢哋。」

而陳淑芬亦即刻幫手,基仔表示:「因為陳太聯絡佢喺呢邊啲朋友,後來陳太個朋友上咗嚟我哋嗰樓層,帶咗我哋去佢哋個office,可以畀我哋有個地方容身,相對安全啲。直到清晨五點鐘解封,最後我哋步行返酒店,好坦白講要出到室外行嘅時候,嗰個情緒都係好緊張,五點幾終於返到我哋自己酒店,嗰吓先至完全覺得係喺安全地方。」

陳志雲問到基仔事發時,最深刻感受是什麼?他表示:「當時唔知道可以做啲乜嘢,唔知跟住會發生乜,喺賭枱底匿埋嘅時候,我攬住咗我太太、同啲朋友一齊,嗰一下唔知發生事,係喺第二間酒店,以為係自己身處地方,真係唔知可以做啲乜嘢,睇住啲人跟住點樣做,嗰刻好無助。」

喺賭枱底匿埋嘅時候,基仔攬住太太。
基仔今早在社交網報平安,基仔寫了一些感受,感謝當時各方幫助過他們的人
基仔表示當時好慌亂,唔知道喺邊度發生事,同埋見到啲人走避,好驚以為係我哋當時處身嘅酒店發生事
陳淑芬亦即刻幫手。
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,531 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,487 views
  • 【壹經典●港姐入豪門深似海】一千萬禮金飛上枝頭 朱玲玲豪嫁霍震霆再嫁羅康瑞(足本版) 48,454 views
  • 【壹經典●富豪咁玩齊人福】霍英東元配低調 二太陪應酬 三太神隱(足本版) 48,088 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,484 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 40,358 views