< 返回
  • 【年少輕狂】張建聲做招積夠入戲 細個夜蒲溝女打交跟大佬
  •   23,323 views │ 2017年10月09日
    留言()

 

依家熱播的《反黑》,張建聲的「招積」仍未再次出現,令不少觀眾感慨看起來總是缺少了什麼似的。

戲入面的招積夠哂瘋狂,更壞事做盡,張建聲能演得如此入形入格,原來跟他年輕的經歷有關。上年,《壹》仔找來當時仍給人稱作「向西」的張建聲訪問,他就透露了年少時的瘋狂經歷︰「誤入歧途囉,做啲當時好興嘅嘢,跟屋村大佬、去打交之類,基本上所有曳嘢我都做過晒。我從來唔怕坦白,一嚟自己好鍾意分享,二嚟我又唔係殺人放火,極其量只係是曳到爆、經常溝女,我寧願自爆,好過將來俾人挖舊事出嚟,然後大家對我的Fantasy冇晒。」

張建聲仲話,缺乏安全感令佢日子曾經混混噩噩,去到一個地步,要出走澳洲冷卻自己。「二十歲之前,成個人不堪入目,甚至我依家睇番以前啲相片,認都認到自己。反而我二十五、六歲時,突然話要過澳洲,嗰次係我人生第一次醒。我去做農夫、去紮鐵,捱過苦,令我開始會諗屋企,會掛住家人。」

撞正一個好角色,引起如此大迴響,話者這個就是當年他同《壹》仔講,想大家知他有演技。「我依家追求嘅係演技,你喺街望到我,會覺得熟口熟面,知道我有內涵,緊要過你叫得出我個名字。」為演招積搞到自己要見心理醫生,又試過為角色增肥,絕對看得出張建聲對演戲的熱誠,如果他朝佢要為一個角色暴瘦,相信他亦都不會介意。
熱門新聞
  • 【藝人離開娛圈做緊乜?】李中寧 張沅薇 鄭艷麗腳踏實地值得尊敬(足本版) 75,973 views
  • 【藏獒神話不再?】神犬大陸流落街頭 香港不乏愛獒名人(足本版) 55,684 views
  • 【禮頓再爆醜聞】狂漏水獨家片 揭84億港珠澳天幕變水舞間 專家:長遠影響結構(足本版) 41,949 views
  • 【壹經典●富豪父子吵大鑊】林建岳瞞老豆林百欣收購 一夜負債百億(足本版) 39,952 views
  • 【藏獒被棄大帽山】不再千萬身價瘦到皮包骨 狗義工:養之前要三思(足本版) 36,984 views
  • 【總理食女唔找數】上環有個樓上私竇 食完鬆中環被貼搶眼街招 (足本版) 34,377 views