< 返回
  • 【民主老人】超級中產住山頂 退休臨老做黃絲
  •   43,591 views │ 2017年10月12日
    留言()

 

提起雨傘運動的一代,你會想起被催淚彈激起醒覺的八九十後。多少人因雨傘落幕而失去希望,不得而知。

但有些老人,或早於六四事件參加社運,或眼見社會不公義而被「激」上街頭,傘運沒有令他們灰心,反而愈戰愈勇。

退休鐘錶行老闆周漢華,家住山頂豪宅,年近七十,膝頭軟骨老化。雖不能站太久,他仍裝扮成囚犯上街遊行,或做義工司機,出車出力搬物資。

曾在佔領區留守二百六十三日的細黃伯,七十有三亦成為鍵盤戰士,又身體力行繼續支援各路人馬。

為他打點生活大小事的黃太,記性變差,沒有跟三姑六婆打麻將鍛鍊腦筋,而是頻頻到街站打點,了解「一地兩檢」的荒謬和前因後果,大概比打麻將更能刺激腦細胞。

對的事,無論幾歲也應該做。

周家的落地玻璃外,就是一望無際的維港海景,所以說周漢華見證着維港如何愈填愈窄。這位於太平山頂的偌大單位,靠近落地玻璃有兩張皇帝椅、一張木櫈、一箱傘運遺留下來的雜物、一個望遠鏡和幾堆書。

從前只顧搵食,由揸的士、泥頭車,捱到出頭天有自己的鐘錶生意,周漢華承認以前從不留意社會事,「好似好typical嘅香港人,淨係掛住搵錢。」數年前退休後,百無聊賴,他上YouTube睇片學鋼琴,無意間看了蕭若元的評論短片,「我貪得意咪㩒一㩒落去,一聽咗就好感觸。」

這一席話,講沒有福利的老人家,生活有多苦。「嗰時佢想搵人做義工,照顧啲婆婆,同啲老人家洗廚房,睇吓佢有咩需要,或者去老人院度探訪。」六十而耳順,這位鐘錶行老闆退休後,就去了幫長者洗廚房。

在蕭若元義工團中,耳濡目染下,周漢華首次認識到民生大小事,也是政治事,「你唔可以將啲錢放晒落去基建度,要將多啲資源放喺年輕人度,佢哋先有希望 我後生時都係受惠於港英政府,先有今日。」

現在他也是人民力量的義工,快必笑說這位「老」友是「超級中產」,但幾乎每次遊行和街站也出現,「周生好積極,每次人力擺街站,佢幫手運物資、開檔、派傳單,收檔又係佢幫手拆嘢,運番走。」

佔中前,周漢華有參加商討日,又跟快必和其他義工在中環一邊踩單車一邊大叫「佔領中環」,為佔中造勢。

然而,誰也預料不到,佔領運動來得如此突然。

「當時好嬲,你愈逼,我更加要留守。我個心就諗,我唔可以放低班年輕人。」周漢華時而停頓,「我唔識佢哋,甚至好少同佢哋傾偈 但係一班年輕人同我又唔熟,點解會拋個身出嚟為香港?我都係諗,呢班年輕人比我哋嗰代 勇敢!」豎起拇指的同時,淚水在眼眶打轉。

一個家住太平山頂的退休生意人,在不太平的佔領區過着如履薄冰的日子,「有啲爛仔、黑社會嗰啲人撕爛我哋啲旗同banner。我嗰陣唔敢同啲爛仔鬥,等佢哋走咗之後,我執番晒啲旗同banner,依家擺晒喺我屋企後面。」當日早上就只有他一人當值。

撰文:劉卓瑩

攝影:倫星揚 李育明

相關連結:

【民主老人】遊行扮囚犯 黃絲哈利迷被跟蹤
http://bit.ly/2yG2qxq
熱門新聞
  • 【公屋女富貴之路】住3000呎大屋Cammi箝實賭廳老闆 飛甩強國富二代水源充足 36,708 views
  • 【嫁入百億富豪家】31歲《宮心計》李美慧 直升機閃婚56歲富商曾文豪 35,276 views
  • 【富豪苦痛誰又知】奚秀蘭嫁入豪門辛酸 老爺曾服80粒安眠藥 33,398 views
  • 【被MissHunny奚落】Myar麥芽打贏官司重新出發 向青春說sorry! 29,167 views
  • 【四千萬嫁妝過門 】37歲阿嬌下周做人妻 老闆楊受成再加碼750萬厚禮 28,181 views
  • 【夜總會打爆鼻樑】《飛虎》吳岱融喜愛爛蒲得罪黑幫 感激鍾淑慧諒解:佢冇鬧我 28,077 views