上星期中秋節，家家戶戶共享天倫，爆出爭產風波的鷹君羅氏家族，卻未能「人月兩團圓」。事關羅老太邀請所有子女及家人過節，但羅嘉瑞、羅康瑞及羅鷹瑞未有出席。細佬羅啟瑞早前話官司已獲法官接納迅速審裁（Speedy Trial），正在排期，但其後卻靜英英，無咗下文！

據知，坊間傳媒或專欄作家，最近都收到中間人傳話，叫唔好再幫細佬喇。中間人過去有幫誠哥做嘢，於是乎有人揣測，係咪誠哥背後發功？事實上，羅嘉瑞同誠哥素有交情，唔只係間中一齊打golf的波友。想當年，羅嘉瑞於千禧年擔任創業板上市委員會主席期間，誠哥的tom.com（現稱TOM集團）在創業板上市成為首批股份，引起大批市民瘋狂認購，為創業板打響頭炮。○八年，港交所（388）提出延長董事禁售期，當時羅嘉瑞就跟多名大孖沙，包括誠哥企在同一陣線反對，最終令港交所讓步。翌年羅嘉瑞更出任香港上市公司商會主席，為上市公司發聲。有此淵源，亦難怪有此傳聞。

撰文：宗菁華

相關連結：
【中環人語】買錯胸圍戴錯bra 老闆娘破產收場
http://bit.ly/2z1f5qU
【中環人語●掃起大酒店】19大前夕 栗戰書女婿新加坡真相
http://bit.ly/2xzdhtf