< 返回
  • 【廢青?!】90後美女裸辭 擺地攤全職寫書法
  •   19,082 views │ 2017年12月07日
    留言()

 

在元朗一個五金工場,大多是「麻甩佬」忙於鋸鐵工作,但靜靜地站一陣子,就會感受到濃濃的墨水味撲鼻而來。原來李嘉倩(Kaka)的「習字為常」工作室,租用了五金工場的閣樓,其實室雅何需大,牆上掛上毛筆書寫劉禹錫的「陋室銘」,旁邊也有一大幅杜甫的詩句「潤物細無聲」,含蓄地表達Kaka對這片小天地的寄望。

現在社會對於「成功」釐定了一個定義,大眾總覺得有樓有錢就等於成功。Kaka說自己兩樣都沒有,她自嘲不算傑青,應該只能算是一個「廢青」。「九十後會被標籤係廢青,一事無成,但如果我反問一句,你買到樓、買到車,但你開心嗎?你撫心自問,如果你嘅答案係唔開心,我覺得我已經比你優勝。」

廿六歲的Kaka於樹仁大學新傳系畢業,第一份工作就是在公關公司打工,主要客戶是珠寶及時裝公司。公司經常舉辦活動,從前期找場地訂食物飲料,中期聯絡記者嘉賓,到活動當日模特兒裙子皺了要熨平,珠寶歪了要戴好,全部她都需要負責。

 

 

裸辭

終日營營役役,Kaka開始對自己的工作產生了疑問。她說:「嗰陣我真係好辛苦,好大壓力,覺得自己唔適合喺呢行生存。完成一個活動後,你會見到好多好靚嘅嘢,品嘗好美味嘅食物,但原來一眨眼,所有嘢都唔再存在。開始覺得自己所做的事情,搵唔到意義。」

公關工作壓力爆煲,Kaka心情愈益低落。她甚至恐懼Blue Monday來臨。「當時會覺得,慘啦!星期一又要返工啦,然後就會開始唔舒服、胃痛。」慢慢地,她意識到自己不能再繼續下去。掙扎半年後,她決定在毫無準備的情況下辭職,亦即「裸辭」。「我同自己講,反正決定好,都無咩需要再掙扎啦,不如就開心地做個小廢青啦!」

Kaka辭職後,給自己放了一個悠長的假期,思考自己的前路。從小Kaka就有學習書法,師承書法家華戈,她在假期每日都有練字。有日她忽發奇想,不如就嘗試一下全職習字。

 

平淡是福

踏出第一步總使人感到畏懼,幸好Kaka父母支持她,他們主動幫Kaka尋找合適地方當工作室。現在,Kaka一星期大約有三天教授書法,平時假如沒有學生的話,她便會自己練字。有時候有客人需要寫字、裱畫等,她也會接一些這樣的小生意。週末晚上她又會和其他朋友一起在元朗擺攤檔,練吓字,義賣手作鎖匙圈,跟途人聊聊天。雖然賺得比以前少,但生活過得輕鬆寫意。

Kaka打趣道,自己是一個沒什麼大志的人,其實人生根本不用刻意計劃,只希望自己能一直教寫字,平平淡淡的生活下去。

「辭職後,就會發現諗來都無用,倒不如多花時間做好要做嘅事情。」而Kaka的媽媽看着現在的女兒,很高興她能做自己喜歡的事情,又認為新一代已經跟以前不同。媽媽說:「以前講求多勞多得,肯做就有溫飽,可以供樓。但呢一代根本追唔上樓價,我覺得唔一定係買樓先代表幸福,我覺得我個女好幸福。」

 

撰文:黃心悅

攝影:海江田
閒時Kaka愛以簡單的詩詞練習,練習作品已囤積成好幾大卷。
Kaka 從小便希望字帖是彩色的,所以她近期開始著手設計屬於「習字為常」的字帖,當中更有可愛插圖,盼能讓學習書法變得更有趣味。
每逢周末,Kaka都會和朋友在元朗擺攤。她說,常有小朋友問她:「姐姐,你為甚麼要坐在這裡罰抄?」
Kaka寄語大家,重新開始並不難,視乎你有沒有勇氣。
熱門新聞
  • 何雁詩強迫棄養 鄭俊弘用倒鈎鐵鏈綁狗 245,785 views
  • 鄭俊弘把口話狗仔好乖 為氹女友將愛犬送走 44,981 views
  • 鄭俊弘被雪零收入身材暴漲 買嘢搵何雁詩埋單 39,157 views
  • 【難忘舊仇】梁思浩拒做《百萬富翁》嘉賓 請主持陳志雲食檸檬 29,600 views
  • 【人神共憤】鄭俊弘用倒鈎鐵鏈綁狗 何雁詩網上回應:我是狗癡⋯唔係好明發生咩事 28,698 views
  • 多災多難 何雁詩戀鄭俊弘連阿爸都唔撐 27,244 views