< 返回
  • 【入行21年】未上高峰已跌谷底43歲鄧健泓:04年,我突然什麼也沒有
  •   25,031 views │ 2017年12月08日
    留言()

 

一九九六年九月廿六日,係影響鄧健泓一生嘅日子,所以,佢特別記得呢一日。「因為是第一日入兒童廠,見到譚玉瑛姐姐,第一次做主持,可能因為第一次所以記得。」

原來Patrick已經入行廿一年,佢自己會點去總括呢段日子呢?Patrick說:「最初好順利,之後不順利。一切都是由兒童節目開始,跟住旅遊節目、再由普通藝員約變成經理人合約,有機會拍《男親女愛》,又有唱片約,試音又OK,各方面都好似好順利、超順利。」04年,Patrick嘅事業突然滑落,本來光明嘅前路,突然變黑。「好記得當時Paco(黃栢高)要離開正東,他問我會否一齊走,我話好呀,所有東西都是你給我的,當然會與你一起打江山。04年過檔金牌後,問題出現了,就是我的經理人合約是TVB,並不屬於Paco,但當時的唱片業有很多非法下載,令我在唱片上的賺錢能力跌了很多,而我賺到錢又要分給TVB,在這樣的關係上,就唯有好現實地同Paco分開,04年,真的突然什麼也沒有。」

Patrick跌了落谷底,直到08年先爬到起身,繼續努力撐落去。Patrick說:「我喺之前成日都有講過一件事,就係張敬軒演唱會,大概○七、○八年,啲人鬧到我好唔開心,但係張敬軒演唱會當晚,我臨出場之前仲驚到唔敢上台,如果上去唱《朋友二號》全場人噓我,我諗呢一世人都起唔番身,但最後都鼓起勇氣上台,換嚟嘅係大家拍住手同我一齊唱,嗰一下我真係明白到一樣嘢,就算二千、三千、四千、五千、六千個人鬧我,就算一萬個人鬧我,但嗰一晚有一萬個人同我拍住手唱歌,咁我應該要為呢一萬個人去做好自己,而唔係為一萬個唔鍾意我嘅人去做、去放棄,所以嗰日開始突然間好似點咗團火,我要繼續搵番以前嗰份熱情、衝勁,跟住就好努力做好每一樣嘢,亦都唔再理人哋點樣去睇我。

人生遇上低潮,反而會令你成長,Patrick亦一樣。Patrick說:「有段時間我覺得所有人都愛我,但去到04年突然什麼都沒有,再到07年重返TVB,有好多是非、好多新聞,我覺得那段時間好多人都不愛我。但去到近幾年,我覺得其實都無所謂,我不需要全世界都愛我,因為我都無可能取悅所有人,我唯有學懂愛自己,學懂得去愛愛我的人。」

相關新聞:
【豪語錄●前度個個都靚】29號結婚請前度出席喜宴 鄧健泓:我未問李施嬅!
http://bit.ly/2k3mCzD

【豪語錄●入圍CASH十強】與女友齊創機會 鄧健泓:到年老時拿出來看,會引以自豪。
http://bit.ly/2BHmWeT
熱門新聞
  • 何雁詩強迫棄養 鄭俊弘用倒鈎鐵鏈綁狗 245,836 views
  • 鄭俊弘把口話狗仔好乖 為氹女友將愛犬送走 44,989 views
  • 鄭俊弘被雪零收入身材暴漲 買嘢搵何雁詩埋單 39,170 views
  • 【難忘舊仇】梁思浩拒做《百萬富翁》嘉賓 請主持陳志雲食檸檬 29,628 views
  • 【人神共憤】鄭俊弘用倒鈎鐵鏈綁狗 何雁詩網上回應:我是狗癡⋯唔係好明發生咩事 28,712 views
  • 多災多難 何雁詩戀鄭俊弘連阿爸都唔撐 27,252 views