< 返回
  • 拍拖年半依然避忌 沈大師暗角箍實男友
  •   22,999 views │ 2017年12月08日
    留言()

 

沈大師(沈卓盈)同家族做內衣生意的Calvin拍拖年半,感情相當穩定,雖然沈大師死口唔認同居及有結婚打算,不過男友已經順利融入家中,就係鐵一般事實。

雖然係咁,但唔明沈大師同男友拍拖依然要好避忌,上週六沈大師孖住Calvin於尖沙咀圓方開餐,兩口子原本糖黐豆sweet到漏,但發現記者影相,二話不說彈開分頭走人,拍拖啫又唔係偷情,使唔使咁鬼祟呀?

【圓方拍拖】

沈卓盈喺大台密密拍無停手,至於她的感情生活一樣多姿多彩。剛剛忙完新劇《特技人》的沈大師,又是時候交人陪男朋友。上週六(二日)晚上九時許,帶齊藝人孖寶——黑超同帽的沈大師,同拍拖年多,屋企做內衣生意的Calvin睇完七點半場離開。戲院內人頭湧湧,兩人刻意保持距離,少有交談,兩口子在商場附近徘徊,最後選擇在中價壽司店千両醫肚。

【見光死】

沈大師同Calvin食到十一點鋪頭閂門先捨得走人,離開時四周大部分鋪頭已經關門,人丁單薄,沈大師keep住同男友邊行邊講,兩口子愈行愈埋,沈大師雙手攬實Calvin的手臂漫步,還不經意借男友的膊頭托住下巴,甜到漏。放閃維持了一陣子,沈大師忽然察覺有記者的蹤影,馬上向男友通風報信,Calvin馬上收起笑容,九秒九彈開,自行走落一樓商場。沈大師漫無目的邊逛邊傳語音短訊,其間不停向後望追尋記者的蹤影,最後沈大師偷偷竄落一樓,會合Calvin離開。

相關新聞:

【打風打唔甩?】沈卓盈男友融入家中 家人直接聯絡Calvin

http://bit.ly/2nB9zKN
熱門新聞
  • 【悔改●承諾幫手養女】周永恒崩哭求阿Yu女兒原諒:對佢哋好大虧欠(足本版) 124,043 views
  • 【大陸妻佗B仔】周永恒9月再做老竇:估唔到仲有女人信我(足本版) 77,978 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 73,556 views
  • 【為拍拖去到盡】港女為符意中人要求 3個月喪減40磅(足本版) 54,900 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 51,822 views
  • 【取得入境證據】獨家回應!黑獄18年現轉機 鄧龍威:好想返香港見媽媽!(足本版) 49,575 views